UN in le ei lam ih thurelkhawm nak cu a bangran mi leilungpi din dingah caan tha pakhat a si . July 26, 2021

UN in le ei lam ih thurelkhawm nak cu a bangran mi leilungpi din dingah caan tha pakhat a si .

July 26, 2021

            Pope Francis cu July 26 ihsin 28 tiang Rome khuapi ih tuah mi UN in ei lam thawn pehpar mi thurelkhawm nak ah UN secretary Antonio Guterres hnen ca pakhat a kuat. UN secretary Antonio Guterres ih hoha mi in le ei lam thurelkhawm nak cu 2020 kum ah a thok mi in le ei lam thleng nak ih tumtah mi thawn a thok mi leilung pumpi thawn pehtlaih awk nak ih zuam nak le thil hlut nak cu in le ei man pawl thleng in, September thla ih tuah mi tumtah mi ah hlawk nak a um mi thurelkhawm nak hrang lam a on sak.

            Cui thuthang ah Pope Francis in "himi thurelkhawm nak cu covid 19 caan sung rilrawng nak, inei man daih lo nak le harhdam nak tlak siat nak pah suak thei dingah tuini a tumzet mi sawm nak pawl lakah pakhat a si tiin a rak sim.

"in le ei man pawl thawn pehpar mi thuthang khawm nak in tuah tlang khawm ding a tul thu lam hmuh"

Leilungpi ih au aw.

            Zangfak za asimi leilungpi in Pathian hnen kan thil ri pawl tuanvo nei lo zetih hman nak le dik lo ih hman nak pawl ruangah an par ih a thleng mi sung nak pawl hrang au a si lai ah himi suan awk nat cu minung phun khat si nak in le kan lungrual nak a siat ter tu thudik lo pawl kan tuar. Pehbet in Pope in a simmi cu "leilungpi ih thilti thei nak" thang dignah theih nak thar din lai ah kanmah pawl cu kan kiangkap in thingrah pawl suah thei lo ding tiang a miat tuah nak tiin a leng lam ih ram car lawng siloin a sunglam thlarau lam ramcar pawl khal a thang.

"A tam zet mi leipar ih pam nak thawn tlaksiat thei

            Minung zate hrang a daih mi in le ei a suah tu leilungpar ah rilrawn nak ih thil cang mi cu Pope in mawh a phurh ih hleiah cumi cu a hrampi a simi minung ih covo pawl a siat ter tu thil sual a si thu a sim bet. Pope Francis in himi thu dik lo mi cu a hnget mi tuah nak pawl, a tha mi hnatuan nak pawl, ral tha mi hmun le ramtin dan ihsin siat bal dingah mi tinkim ih tuanvo a si thu nasa zet in a sim. Himi ih sin zoh asile in le ei man pawl ih ralrin nak le thaten timtuah nak cu a thupi mi thu hla ah a tel.

Ruah nak thar

            Pope in in le ei tuah nak cu a daih lo thu nasa zet in a sim. Cuihleiah a tul mi cu ruah nak thar thawn a famkim mi daan thar asiih leilungpi kilhim dingah le minung sinak thupi ih ret dingmi in le ei lam pawl cu design suai dingah a si. Cutilawngah leilungpi tah nak in in le ei khop zet in ngah in hmun le ram zir in a tawk zawng mi hnatuan khaisang in hmailam siat suah loin a tui leilungpi kilhim thei dingah asithu a cah.

            Cumi thucah ah Pope Francis cu "khualam ih thupi mi thu hla din sal dingah" le hnatuan nak ih thupi mi cu "ramkhel le sumdawn nak thu botcat nak pawl tuah lai ah tuah bet dingah a tul thu thupi zet in a sim. A um rero lai mi pulh nat ih thok sal nak hnatuan din daan program pawl ah tuah vivo dingah a cah.

Innsang ih thupit nak

            Pope ih a simmi cu hna te nau a tuan tu pawl ih innsang cu "in le ei lam ih um lo thei lo mi thenkhat a si. Cuihleiah daan pawl cu nunau pawl ih tul mi pawl thaten tuah sak nak, mino pawl hnatuan ngah dingah le mi farah bik le a hla bik mi hmun ih a um tu lothlo tu pawl thawn hna tuan tlang dingah daan pawl tuah a tul thu a sim.

            Pope Francis in hlawk nak a ummi hnatuan tlang nak le in le ei man pawl rem duh asile tuan vo parah bun aw in thudik, remdaih nak le mi phun lungrual nak cu a hrampi a si. Ral a tha mi thurelkhawm nak a tui kan ton mi buai nak pawl cu raltha mi pacang mi khat le khat thureltlang nak pawl le thu hman a um lomi in ei man ih a hrampi hlon in thudik ih kaihnget mi pakhat lawng asi mi lam a cang thei thu a sim.

            Thucah nak ih a cem nak ah Pope Francis cu a thupi zet mi thurelkhawm nak ah kanmah pawl cu leilungpi ih mang pakhat asimi in le ei, tidai, siivai pawl le hnatuan pawl cu tampi liam koin a hmaisabik ah mi farah bik pawl hnen thleng thei dingih tuah nak cu a sim.

Kohhran ih pom pi nak

            Pope Francis in "Holy see thawn Catholic Pawlpi cu himi a sunglawi zet mi tumtah nak ih pekawk nak hrangah mah rori tel nak, a hlu pek nak, hnatuan, thinlung thawn, a tha mi thu botcat nak pawl ah hnatuan nak in tel ding a si thu thaten a sim. Netabik ah Pope Francis in in le ei man pawl dinsal dingah himi thurelkhawm nak cu kan hrangah a rem dai mi minung pawlkom din dingah le a hman mi minung kiangkap ah feh thei nak a remdai mi ci pawl lam a hmuhsak ding tiin ruahsan phah in a thi sim cu a cem ter. Himi thuthang cu Vatican thuthang ihsin kan don mi a si.