Pathian in kan mah thawn nel aw zet mi pehtlaih awk nak vek a duh tiin Pope Francis in sim (August 1, 2021)

Pathian in kan mah thawn nel aw zet mi pehtlaih awk nak vek a duh tiin Pope Francis in sim

August 1, 2021

          Pathian in mah thatnak hrang lawng ruah mi pehtlaih awk nak lan in duhdawt aw zet mi pehtlaih awk nak vek ret a duh. Ziangah tile Catholic Kohhran mipi pawl cu zumnak ih hngetkhoh dingah, cu vek ih hnget khoh dingah cun mah le mah hmaisa ih ret awk nak tansan dingih kawhnak ngah nak a si.

          Asinan, zianghman cohlan lo a si ah cun midang duhdawt hmaisa a tul. Hi vek in duhdawt nak cu pakhat khat ngah duh ruangih lungawi thu sim mi vek si lo in ziang ngah ding ti theih hlan in lungawi thusim nak a si.

          Pope in Mithianghlim Johan Cathianghlim 6:24-35 sungta thuk zet in a vun ruat sal. Bawi Jesuih dung a thlun tu mi burpi cu Sang a than ter ruangah an thlunnak a si. Bawi Jesuih langnak a hmuh mi pawl an hmuh ruangah a si lo.

          An mai duh mi kim duh mi ruangah a si lo. Hi Bible Catlang thawn pehpar in kan ralrin tul mi cu ‘Ziangah Bawi Jesuh kan hawl? Hi mi pawl fiangten cek fel a tul.

          Ziangah tile kan nunram ah hnaihnok nak tampi sungin pakhat khat duhtuknak in tukforhnak ah in thleng ter thei. Cui kan duh zet mi sual sawm nak in Pathian a haal. Asinan, mai Pathian kha mai duhduh ih hman dingah a si.

          Mai nunram harsatnak pawl hlo ter dingah a si. Mai duh mi thilri cu mah in ngah theih lo nan Pathian ih bawmnak dil in kan ngah ih Pathian hnen lungawi thu simnak vek a si.

          Pathian hnenah kan tulsam mi pawl dilnak cu thil mawi mi a si. Veikhat veihnih ah Pathian in kan ruah mi hnak ih tha sawn in in tuah sak theu.

          Pathian in kan mah thawn nel aw ten um tlang a duh. A dik  mi duhdawtnak cu mai hrang ruah mi a si lo. A zalen zet. Pathian pakhat khat ngah sal duh ah a si lo.

          Bawi Jesuh in a hman lo mi an tumtahnak a sawhkhih tikah mi burpi in a tha lo mi an ruah mi an rem duh nak langter nak a si. Khop zet ih ei ding lawngah Pathian hawl ding si lo in Pathian ih duh mi thei dingih hawl a tul.

          Curuangah Pathian in lam in hmuh. Cui lamzin cu Pathian ih thlah mi Bawi Jesuh ih nunram ah nun khuasak nak pek dingah, a mah thawn duhdawtnak nunram ih khuasak dingah a si.

          Khat le khat pehtlaihawknak nunram ah khal ret a tul. Ziangah tile Pathian kan hman ti a si lo nan minung pawl hi mai duhhamnak hrangih hmannak cu thil dik lo a si.

          Hi pa cun minung hmang in (bawmnak a ngah ih) a hngilh tiih simrel nak aw tu le tu nan thei dah maw? Mai thatnak hrangah midang pawl hman hi a tha lo tuk. Mipi thupibik ah ret lo in mai thatnak hrang lawng ruah nak cu nunram a suak ter thei lo.

          Bible Cathianghlim ih in zirh mi cu zuk lem vek men a si mi ei in lawng hawl lo in nunram ih Sangreu a si mi Bawi Jesuh cohlang dingah, a mah thawn nel aw dingah kan thok a tul ti mi a si.

          Khat le khat thei aw dingah zingzoi awk a tul. A mah cu a thlak ih kei cu ka vansia tiin khat le khat ruah awk ding a si lo. A dik mi duhdawtnak cun mah lam a sungsawn tiih ruahnak um lo in a pek theu.

Minung a hmang lo. Lungawi thu sim a thiam. A tirh siang. Sinak nei zet in a um tiah St. Peter tualrawn ih a thleng tu leitlunhuap ih khawmzawhtu pawl hnenah a rak sim.

          August 1, Zarhpi ni khal ah khawmzawhtu pawl thawn Angelus thlacamnak an rak cam tlang. Khawmzawhtu pawl sungin Italy ram tluan in siseh, Peru ram in siseh an tel ve.

          Peru ram cu President thar an ngah ih a lungawi thu le Pathian in thlasuah pek hram seh tiin khal thla a rak cam sak.

          Khawmzawhtu zate khal in thluasuah um mi Zarhpi ni le remdai mi August thla si hram seh tiah thla an cam sak. Europe nitlak nak ram hrangah August thla cu hnatuan cawl in khual an tlawn thla a si.

          A sa bik mi thla khal a si. Pope cu a rilpi operation an tuah hnu thlakhat rei hnu ah a aw cu a hlan vek in a si thlang. Tui Zarh khat ah Pope in a hleice ih a rak sim duh mi cu zumnak a hnget khoh lo tu pawl in mai duhnak hmaisa ih an ret nak thu a si.

          Hi thuthang cu CNA thuthang ih kan ngah mi a si.

Source: CNA

https://bit.ly/3lDUW5J