Pope Francis in Vatican ih ukawknak lam thawn pehpar mi President thar ih hmin a than September 8, 2021

Pope Francis in Vatican ih ukawknak lam thawn pehpar mi President thar ih hmin a than

September 8, 2021

            A tu ah Vatican ih uk awk nak lam ih President tuanvo cu Cardinal Giuseppe Bertello in a tuan. Amah cu a ralai dingmi October ni 1 ah kum 78 a kim thlang dingih cumi tuanvo a tuannak in a cawl thlang ding. Amah in himi tuanvo cu kum 10 sung a rak tuan. Himi hnatuan a tuan tu ding tuanvo nei tu ding thar cu Spain miphun asi mi Archbishop Fernando Vergez a si. Amah cu Legionary of Christ Pathian riantuan tu pawlkom sungtel a siih, a kum cu 76 a si zo. Vatican ih hna a tuan nak cu 1972 lai in a si. Amah cu Vatican ih hnatuan pawl tuanvo a la ding ih, daan pawl huap dingah, thuthen nak zung le phone pehtlaih awk nak pawl zaten a tel ding.

            Pope cu Pathian hnatuan tu pawl zung ih a pahnih nak tuanvo nei tu ih hmin khal a than. Amah cu Chile ih Fr. Andres Ferrada asiih, kum 52 lawng a si lai. A tu tuanvo pek mi zungah hna a tuan nak cu 2018 in a si. Amah cu himi zung ih tuanvo nei tu Korea miphun Archbishop Lazarus You Heung Sik thawn hna an tuan thlang ding. Himi zung cu leipar ih Catholic Puithiam 400000 luan ih thu ah tuanvo a la tu zung pakhat a si. Himi thuthang cu Rome Reports thuthang ihsin kan don mi a si.

https://bit.ly/2X8npXI