Vatican hrang Dominican tamadahramih ram palai ret. September 23, 2021

Vatican hrang Dominican tamadahramih ram palai ret.

September 23, 2021

            Luis Emilio Montalvo cu Vatican hrang Dominican ram ih ram palai thar a si. Ram palai thar cu a hlan Argentina ram hrang ram palai tiin hna a tuan laiah Pope Francis hnen Buenois Aires Archbishop tiin aveikhat nak an rak tong aw dah. A tuitum ahcun Archbishop dinhmun in siloin Catholic Pawlpi zate a hoha tu Pope tiin tonawk sal nak a si. A hlan khalah an tong aw dah ih, kum tampi a rei hnu ah tonawk sal nak a si ruangah Pope Francis in "kum tampi tong aw loin a tu ih ton awk sal nak cu ka lungawi" tiin cibai a buk.

         Ram palai thar cu thinlung lam siibawi asiih, siilam fimnak hmuhton mi tampi a nei. Pope hnen ra in upat nak a pek laiah laksawng tiin Vatican thawn pehpar aw in a ruah nak pawl a ngan nak a ruah nak ca laksawng tiin a pek. Cui ca pawl cu 2013-2021 kum sung hna a tuan tu Pope Francis ih thu pawl a si. Cauk ih  thuluu cu "Pope Francis ih that nak nan sim maw" tiin a pek. Pope Francis khal in a mah hrangah hngilh lo nak tiin suah mi thi le a ngan mi a thupi mi capi pawl laksawng tiin a pek sal. Cuihnuah Pope cu ram palai ih innsang thawn ram palai ih ram hrang thla a cam sak. Ram palai in amah hlan ah hna a tuan zo ih, an ram ih a tlung sal tu ram palai hlun Eunisis Vasquez ih hnatuan pawl a tuan bet ding a si. Himi thuthang cu Rome Reports thuthang ihsin kan don mi a si.

https://youtu.be/YJTXq0l0nvU