Mivai pawl him lo nak ramih kuatnak cawl dingah ramhuap pawlkom hnenah Pope Francis in zaangfah dil October 25, 2021

Mivai pawl him lo nak ramih kuatnak cawl dingah ramhuap pawlkom hnenah Pope Francis in zaangfah dil

October 25, 2021

         Libya ah humhimnak a tul mi thawngza leng lo mi vai pawl, mi harsa pawl le midang pawl le mifarah pawl thawn Pope Francis in a dinpi ih a tan thu, an tah aw khal a thei ih an hrangah thla a cam sak thu’ Pope Francis in October 24 ah a rak sim. ‘Mivai pawl himnak a um lo mi ram pawl hnenih kuat nak cu a cawl ih tipi kap pawl ah an nunnak run dingah tuah hmaisak a tul thu a rak sim. Cui hnu ah Libya le tipithuanthum tluan vaihnak thawn pehpar mi tawlrelnak hrangah mipi lungkimnak, a hngetkhoh ih kum reipi a hnget mi sim fiangnak pawl hawl dingah ramhuap pawlkom a dil bet thu Pope Francis in a rak sim.

         Cu tiin hmun hlapi ih a feh tu pawl ziangtin harsatnak an tuar? An mah sungah mi harsa pawl umnak a um thu khal Pope Francis in a rak sim bet. Libya cu Africa le nisuahnak a lailak ih a vai tu pawl hrangah an umnak bik a si ih Europe ah a tha sawn mi nunkhuasak nak hawl nak hmun a si. Libya thuneitu pawl cu 2016 ihsin thokin mi vai tu 87,000 hrawng a kham ih cui mi vai pawl 7,000 hrawng cu Libya ih um kilhimnak pawl ah an um lai thu UN ih tarlang vekin theih a si.

         Libya thuneitu pawl in rei lo te ah mi vai tu pawl an hmuhsuam ih ni rei lo te sungah mi 5000 luan siatsuah an tuar thu Associated Press ih tarlang mi vek a si le kilhimnak pawl cu ‘dik lo nak pawl thawn a khat’ tiih a rak tarlang thu khal a rak sim bet. Pope Francis in a mai dilnak hrangah ‘a hleice in a him ih mai zumnak rundamnak le tinbaw par ih thilri pawl le a remcang mi dinhmun thawn kilhimnak thawn pehpar mi midang pawl sawmdawl dingah a rak dil. Pope Francis in ‘beunak hnatuan pawl’ le mi vai theu tu din hmun in kilhimnak thawn pehpar mi din nak ih thupit zia upat in a rak tarlang.

         ‘Kum reipi hi vek dinhmun pawl ah a um mi unau pawl hrangah kan zaten tuanvo kan neih thu, Pope in lamzin kiangah kutdawh mit hmu lo pakhat a si mi ‘Bartimaeus’ hnenah Bawi Jesuh in hmuh theinak a ngah ter sal mi Bible Catlang a rak ruat sal. Mithianghlim Maka ih ngan mi Cathianghlim sungah Batimaeus cu ‘David ih fapa Jesuh; in zaangfah aw!’ tiin Bawi Jesuh  hnenah aw ring zet in a rak kawh thu a rak sim. A mit cawt nak cu dam ter ngah lo mi a si nan a thinlung sungah hriamhma pawl, ningzahnak pawl, siatsuah a tuar mi tumtahnak pawl, palhnak pawl, sualsirnak pawl khal a um thu Pope Francis in a rak sim.

         Hi thuthang cu RVA thuthang ih kan ngah mi a si.

https://bit.ly/3EyhDhZ