Pope Francis cu COP26 thurelkhawmnak parah ruahsannak a neih thu le Haiti, Vietnam le Sicily ih tilian nak a tuar tu mipi pawl hrang thlacamsak(October 31, 2021)

Pope Francis cu COP26 thurelkhawmnak parah ruahsannak a neih thu le Haiti, Vietnam le Sicily ih tilian nak a tuar tu mipi pawl hrang thlacamsak

October 31, 2021

              Pope Francis in Vietnam le Italy ram Sicily tikulh ih tilian ruangih harsat tuar pawl zangfah in a thin a nuam lo thu, pawlkom dinin misual pawl an tam vivo vekin mipi pawl kilhim dingah Haiti lam ih thunei tu pawl a forhfial. Cuihleiah COP26 in tikcu thleng nak tlamtling zetin a fel fai ter ding tin a ruahsan thu Pope Francis in a sim.

           Zarhpi ni mipi thawn an tonawknak St. Peter tualrawn ah Pope Francis in hmaisa bikah zangfah a dilnak cu hi tiin a sim. "A mal bik mi pakhat thi in mi 7000 luan hmun him nak ah a thawn ter tu Vietnam ih tilian a tuar tu pawl hrangah thla ka cam sak. Ka thlacam nak pawl le ka hmuh nak pawl cu harsat a tuar tu innsang pawl thawn um in, himi a thupi mi din hmunah hnatuan rero tu mi bawm tu le cui hmun ih kohhran thunei tu pawl hrangah ka thazang peknak khal a si" tiin Pope Francis in a sim.

           Vietnam a laifang nak lam ih tiliannak cu nisuah nak thlanglam Asia ram pawl ah a thawn mi thli sia ruangah a cang mi a si. Kan dung zarh sungah a tha lo zet mi tikcu ruangih harsat nak a tong tu Italy thlanglam Sicily tikulh ih mi pawl thawn nai ten a um thu a sim. Medicane asilole tipi thuanthum hurricane cu Sicily nisuah nak lam ah a thleng ih a malbik mi 3 an thi.

"Haiti tan hlah"

           Cuihnuah Pope cu "ramri ih a um tu Haiti miphun pawl thu a sim. Ram a phunphun ih thunei tu pawl hnen, hi ram bawm dingah le anmah lawng tan lo dingah a dil lawng siloin Haiti mipi pawl hrangah thlacam sak dingah mi tinkim a dil thu, anmah pawl hnong lo dingah le President Jovenel Moise thah a tuar hnu tubaite thla pawl ah tuahmawh nak pawl le misual pawlkom pehzom in cangvaih nak pawl cu kilhim thei nakih rikhiah a luan zo thu a sim.

           Tahthimnak pakhat thawn, Khristian Pathian riantuantu 17 hnen "Port-Au-Prince" khuapi ih thazang a cak mi pawlkom pakhat in kaih tuar in luat nak hrangah American dolar tan 17 an dil thu an luat nak hrangah relkhawmnak tuah bet rero asi thu a sim. "COP26 - leilungpi le mi harsa pawl ih au aw ngai uh". Pope Francis cu Glasgow ih tuah mi COP26 tikcu lam ih thurelkhawmnak cu zarhpi ni zanlam ah on nak von man sal nak a si.

           Tikcu thlengnak do dingah le leilungpi sat nak kham dingah zuamnak pawl cu thok dingah cangvai tu pawl, ramkhel hotu pawl, thuthangla tu pawl le midang 30000 luan cu Scotland khuapi ah pumkhawm nak an nei. "Leilungpi ih tah aw le mi harsa pawl ih au aw thei thei dingah thlacam cio uh. Hi tonawk nak cu a tlamtling mi lehrul nak pe thei in hmailam hrang a hnget mi ruahsan nak pe thei hram seh" tiin Pope in a sim. Himi thuthang cu Vatican thuthang ihsin kan don mi a si.

https://bit.ly/3CVnQ7z