Pope Francis cu Ghana ram palai (ambassador) thawn hlunghlai zet in tong aw (November 18, 2021)

Pope Francis cu Ghana ram palai (ambassador) thawn hlunghlai zet in tong aw

(November 18, 2021)

              Pope Francis cu Vatican hrang Ghana ihsin ram palai thar Ms.Angelina Baiden-Amissah cu Vatican ih ram palai pawl innpi ah a rak tong. Pope thawn an tong awk laiah Ghana ram palai khal an hlanlai thuam thawn mithmai pan zet in a tong. Pope hnen amah in Italy tong a zir rero thu simphah in na dam maw tiin Pope cibai a buk. Ghana President le a mah hlan ih tuanvo nei tu pawl aiawh in Pope hnen cibai an buk thu simphah in thu dik bom nak pawl Pope hnen a hmuh.

              Cibai bukih a suah hlan ah ram palai le midang pawl hnen Pope in thluasuah pe in thlacam sak ding thukam nak khal a sim. 1975 lai ihsin Vatican cu Ghana ram thawn ram palai pehtlaih awknak an rak thok vekin Africa ih fimthiamnak, harhdamnak thawn pehpar mi pawlkom tamsawn khal Catholic Pawlpi ih dinmi pawlkom pawl an si. Himi thuthang cu Rome Reports thuthang ihsin kan don mi a si.

https://bit.ly/329TtMU