Pope Francis ih sunloihnak cu America ih khawmzawhtu pawl in an rak ngah. (November 21, 2021)

Pope Francis ih sunloihnak cu America ih khawmzawhtu pawl in an rak ngah.

(November 21, 2021)

          Pope Francis cu a mai Zarhtin mipi thawn tonawknak caanserh ah America ih khawmzawhtu mipi pawl ih hmuahnak hlasak aw a rak ngai ngah ih Pope in tha ten a rak ngai vek in a rak sunloih zet. Hi khawmzawhtu pawlkom sungih a tel mi Maykol le Milagros tei nupa khal in Pope hmaiton ten an hmuah ngah hi thluasuah a si thu, Rome khuapi thlennak cu an mai hrangah an fa le pawl hnenah zumnak an hlawm theinak ding caan tha pakhat a si thu an rak sim.

          Pope thawn thlacam tlang thei dingah Vatican ah khawmzawhtu pawlkom tampi an rak tel.Tui America khawmzawhtu pawlkom vekin hmun hlapi ihsin a va feh tu pawl hrangah khal, Pope ih sunsak nak a hleice ih co ngah vek a si. Maykol ti mi khawmzawhtu in ‘fate pakua kan nei. Ka innsungsang thaten ka humhim ding. Zumnak cu a thuk tuk ih mi va hlawm ding a thupi tuk tiin ka hmu. Nikhat khat ah kan thi leh ding. Kan tanta mi zumnak cu nauhak pawl, tesinfa pawl in an run hlawm vivo ding. Cu mi si ka duh. Cui hrangah hi tawkah ka ra thleng’ tiah a rak sim.

          Tu vekin harsatnak a khat mi sanah kan nauhak pawl a sia, a tha thleidang thiam in ziang tinkim ol ten a sung pe lo dingah Thiang Thlarau Pathian lawngin kan nauhak pawl hnenah a pek thei tiin khal Maykol ih nupi Milagros in a rak sim. Hi mi thuthang cu Rome Reports thuthang ih kan ngah mi a si.

 https://bit.ly/3nEZvgV