Gospel thuthangtha kha thinsau zetin phuang dingah a tul thu Pope Francis in Europe ih Khristian pawl hnen sim (December 2, 2021)

Gospel thuthangtha kha thinsau zetin phuang dingah a tul thu Pope Francis in Europe ih Khristian pawl hnen sim

(December 2, 2021)

              Pope cu Cyprus ram ah a thleng zo ih, thluasuah tinkim ih Bawinu Maronite Cathedral ah a feh. Cui biakinn ah Pope cu Pathian hnatuan tu pawl, Puithiam pawl, Bishop pawl, thukham pathum la tu Pathian riantuan pawl le biak nak lam pawlkom sung tel pawl ih lungawi sopar ten hmuak nak a ngah. Himi biakinn pi cu thenhnih ih then mi ram sung buainak um lo nak hmun a si. Ziangruangahtile UN ih kil ven mi hmun a si. Tikulh ih sak lam thenthum ih then khat cu 1974 kumlai ihsin Turkey ih uk an tuar. Cumi caan ihsin thokin tuitiang Syprus ih cumi hmun cu an ramri an rak dil. Asinan Turkey ih uk awknak famkim a um nak hmun a si.

              Himi dinhmun cu a tha lo zet mi donak cu rampi khal siseh, ramsung ih a um mi Khristian pawl hnenkhal siseh thilcang a um thu Antioch ih Cardinal Boutros Rai hnen an dil. Uk nak a can hnu netaah Khristian mipum cu 7000 lawng an tang thu, kum zabi 13 ih Maronite mipum 80000 tiang an um thu, mipum an malnak cu cui hmunih ralbuainak, biaknaklam hmuhsuam nak pawl ruangah asi tiin an sim. Pope in thukham pathum la tu Pathian pawl ih sim mi pawl a ngai sak. Kum 1974 ih thilcang cu kum upa Sister pakhat hnen ihsin rak theih mi thuanthu an sim sal. Thinnat za thil cang a tuar tu Sister in cui thilcang cu reiloteah a cem ding tiin a ruat ih a tu in cun kum 47 a si zo tiin an sim.

              An thusim mi a ngai hnu Pope in thinsau ten tuar thei nak a tul thu, Syprus le Kohhran pi karlak ah lungrualnak a tul thu, St. Barnabas kha tahthim nakah a sim. St. Barnabas cu Syprus tikulh a kilkhawi tu Mithianghlim a si. Hlan Khristian pawl Gospel thuthangtha a simnak ah minung pawl ih huatawk duhnak thawn lehrulh nak cu ziangtin thinsau ten an rak tuar thu, atui Kohhran pi khal cuvekin tuah ding asi thu, ahleicein Europe ih Khristian pawl cu himi Khristian pawl ih hminsin nak a hlo rero thu, a tu theih mi thuhla khal Europe ih Kohhran pi hrangah a thupit thu, ziangruangahtile zumnak thawn pehpar mi buaibainak a si thu, thil tha lo kha thil tha malte thawn neh dingah tuah rero asi thu, beidong lo dungsip lo in tik cu caan ih dinhmun le buainak zoh in hmainor ding a tul thu, Gospel thuthangtha cu thinsau ten tuar in phuang ding asi thu a sim.

              Syprus ih Catholic Kohhran cu Latin daan le Maronite daan pahnih hmang mi Kohhran mipi pawl an tel. Anmah pawl ih thuanthu ah biaknak thawn pehpar in hmuhsuamnak pawl a um lo timi a um lo thu, Maronite daan a hmang tu Khristian a tam sawn cu Lebanon ihsin a vai tu pawl an si thu, Syprus pawl cun a dang ram ah an vaih thu, a tu ah cun Australia, Mexico, America le Argentina pawl ah Maronite Khristian pawl an um tiin an sim. Himi thuthang cu Rome Reports thuthang ihsin kan don mi a si.

https://bit.ly/3rBxVU7