Pope Francis in Greece ram ih lunghmui te’i an hmuhnak parah lungawi thu sim. (05 December 2021)

Pope Francis in Greece ram ih lunghmui te’i an hmuhnak parah lungawi thu sim.

(05 December 2021)

         Pope Francis in mizaan, Adventu tikcu caan, zarhhnihnak, Zarhpi ni Missa Sumnak cu Greece ram ih khuapi, Athens ah hoha in raithawinak a rak tuah. Cui raithawinak ah Pope in Greek mipi pawl ih lunghmui te’i an hmuahnak parah a lungawi thu, a lungawi thusimnak cu Greek tongin a rak sim. Cui tongfang cu kan mai nitin Missa Sumnak ih tuah theu mi Missa Sumnak hrangih hman mi cafang ‘Eucaristia or Eucharist’ a si. A san cu ‘lungawi thusimnak’ a si.

         Bawi Jesuih nunram langhngan ter tu cafang a si thu, kan nih Christian pawl hrangah lungawi thusimnak cu kan zumnak le nunram ih a laifannak a si thu a rak sim. Cui hnu ah Thiang Thlarau Pathian cu kan umnak hmun, kan tuah mi hmuahhmuah Pathian hnenih lungawi thusimnak ih thleng sak dingah, unau pawl hrangah duhdawtnak laksawng ih thleng sak dingah thla a rak cam sak.

         Pope Francis in Greece ram ih hmunkip ih thuneitu pawl le Greece ram ih Catholic Bishop pawl hnenah Greece ram ih tlawng dingah sawmnak le a Tuukhaal khualtlawnnak remcang in him dingah an rak bawmnak hrangah khal a lungawi thu, Greece ram hrangah khal a ti thei tawk in bawm in a kilkhawi ding thu, thaisun ah Pope cu Italy ram ah a tlung sal ding ko nan Greek ram mi pawl a hngilh lo ding thu, kei mai hngilhlo nak pawl sungah Greece ram khal telh in thla ka lo cam sak ding, zaangfah ten kei mai hrangah khal thla in cam sak uh” tiin a rak ngan.

         Pope Francis cu Athens ah nihnih rei a Tuukhaal khualtlawng nak  caan a hman theh in December 6 ah Rome ah a rak tlung sal.

         Hi thuthang cu Vatican thuthang ih kan ngah mi a si.

https://bit.ly/31Ax7UA