Pope Francis cu Syprus ih harsat tuar 50 Italy ah a hruai ding. (December 3, 2021)

Pope Francis cu Syprus ih harsat tuar 50 Italy ah a hruai ding.

(December 3, 2021)

              Pope Francis cu Syprus le Greek ram pawl ah Tuu khal khual tlawnnak a nei ih Syprus ih harsat tuar 50 hrawng kha Italy ah a hruai ding. A hruai nakih an cem ding mi sumpai pawl cu Vatican in an tawlrel ding thu, mi 12 ihsin 15 tiang a tel mi a hmaisa cu Khristmas hlan ah an hruai dingih aveihnihnak cu 2022 January le February thla sung ah an hruai ding tiin an sim.

              Cui program pawl cu a tamsawn in Italy ih St.Egidio pawlkom in tuanvo la in an tim tuah ding. Harsat tuar pawl cu a tamsawn in Syria, Congo, Cameroon le Iraq pawl ihsin an siih, nauhak pawl tel in innsang pawl khal an tel thu, harsat tuar pawl an vaihnak thuhla cu tlawngkai nili December 2 ih thok mi Pope ih Syprus khal tlawn nakah an than nak khal a si.

              Tlawngkai ninga zinglam ah Nicosia ih a um mi Orthodox Cathedral tlawngpi ah Pope in Archbishop Cyrysostomos II thawn an tong aw. St. Francis Saverio kha vonmangin Syprus Catholic innsang mipum 10000 hrawng thawn khal Pope in Missa raithawinak hoha in a tuah sak.

              Zanlam ah Holy Cross biakinnah a feh ih Greek le Syprus, Turkey le Syprus danlamnak pawl hrangah harsat tuar pawl thawn hmunkhat ten thlacam nak an nei. Italy ih hruai dingmi sungah a tel tu ding harsat tuar thenkhat khal cutawk hmunah an um ih, Pope thawn an tongaw tiin an sim. Pope Francis cu a thlen veten Jerusalem le Latin upa Mons.Pierbattista Pizzaballa ih lungawi sopar ten hmuak nak a ngah. Himi thuthang cu ANSA thuthang ihsin kandon mi a si.

https://bit.ly/3pxoXoq