A tlangpi covo hnonnak cu minung covo hnonnak asi tiin Pope in thuthentu pawl hnen sim December 10, 2021

A tlangpi covo hnonnak cu minung covo hnonnak asi tiin Pope in thuthentu pawl hnen sim

December 10, 2021

              Pope Francis cu avei 70 nak national study congress kha zingzoi dingah Rome ih a thleng tu Italy Catholic thuthen tu pawl hnen thu a sim. Congress ih thuluu cu “netabik mi, tha mal pawl daan thawn kilkhawi ding” ti a si. Kanmah pawl ih a hrampi kawhnak cu zumnak kha a hram bun ding. Pope in a thusimnak cu “a hmuhnak, a thinlungah tubaite ih a fehnak a khualtlawnnakih a ruahnak pawl thawn a khat thu, harsat tuar pawl umnak Lesbos ih a feh tu pawl le minung covo upat dingah a tul hleice thu, a hleice in minung covo pawl thang dingah a tul mi ram pawl ah a tul hleice thu, minung sinak kha covo thawn humhim ding.

Minung sinak cu ziang tinkim hnakin hmaisa deuh ah ret ding. Kanmah pawl cu himi hmuhnak thawn ziangtluk ih nai in kan tuah ding. Minung kiangkap ah tuahmawh nak, hmuhsuamnak, thei lo vekih umnak, siatsuah nak cutivek thuhla pawl thawn a khat. Catholic mi thuthen tu pawl dinhmun in himivekih pial nak cu nan ti thei tawkzawn in tuah ding. Ralring ding. Tuanvo neitimi khal theih ding. Himi theih nak cu zumnakah a hruai tu kawh nak a si tiin a sim.

Thamal pawl humhim ding

              A dang covo pawl hnakin Catholic sihni (lawyer) pawl cu thamal pawl ih covo kilhim sak dingah a forhfial. A tui san ah mi thleidan nak um lo vek asinan taktak ahcun thuneih, sim rel thei nak a nei lo tu pawl cu thleidangin pehtlaih an tuar. Pope cu ahleice in hnatuan pawl, harsa zonzai pawl ih covo thupi ah ret in a sim. Ziangruangahtile a tlun ih sim zo mi pawl ih covo pawl hnonnak, ziang ih rello nak na tuar. A hrampi covo hnonnak, minung sinak hnonnak, taksa, thinlung, thlarau thawn a bangran mi hnatuan man hnon tuar tu pawl cu minung sinak hnon nak a si.

              Covo cu daan pakhat vekin hminsin in, dik zetin aamahkhansak nak, thamal pawl kilhimnak cu kanmah pawl minung taktak in si ter. Cu asilole kanmah pawl cu daan ih uknak tuarin, a dik lomi tuah dingah can pek vek a bang ding. Himi thu ruangah thanau pawl kilhim nak daan cu cozah ih nemhnget hnu lawngah tuah ding asilo. Catholic thuthentu pawl cu thanau pawl ih covo kha zangfah dilnak a silo. Minung sinak theih pit nak thawn cui caantha kha than ding. Himi cu Catholic thuthentu pawl ih tuah theinak a si. Catholic thuthentu (lawyer) pawl cu mai thiamnak mi lamah ruahnak pe, sihni (lawyer) asilole thuthentu dinhmun in thamal pawl ih sinak an ngah tiang dil sak ding. Cutiin thuthentu pawl cu ulenau taktak thinlung dinnak a si. Cutiin asilole mi pakhat ciar ah ret mi Pathian ih hmuihmel siatsuah nak vek a si tiah sim. Himi thuthang cu Vatican thuthang ihsin kan don mi a si.

https://bit.ly/31Wl9Fc