A hngetkhoh mi tidaan pawl thawn Christmas timtuah dingah Pope Francis in ruahnak pek December 13, 2021

A hngetkhoh mi tidaan pawl thawn Christmas timtuah dingah Pope Francis in ruahnak pek

December 13, 2021

         Adventu Zarhthumnak Zarhpi ni St. Peter tualrawn ah khawm zawh in a ra thlengtu mipi pawl thawn Pope Francis in Zarhpi sun Angelus thlacamnak ah cui ni ih Bible Cathianghlim siar mi ruat in thuthangtha a rak sim.

         Cathianghlim sungah Dungthluntu pawl in ziang an tuah ding ti Mithianghlim Johan ih thuthangtha an ngai theh hnu ah an rak suh thu le kan nih khal kan mah ten ziang tuah a tul tiih suhawk a tul thu a sim.

         Pope in nunram ti mi cu kan tuah tul mi tuanvo pawl a um. A san um lo mi nunram vek a si lo. Hi hi Pathian ih in pek mi laksawng a si. Zo kan si ti kan thei ding. Cui hnu ah nunram ih tumtah mi famkim dingih silhkhahnak a si tiah a sim ih Adventu tikcu caan ih netabik zarh ah Christmas cu a hngetkhoh mi tidaan pawl thawn hawl in timtuah cio uh tiin kohhranpi pawl Pope in a rak forhfial.

         Mahte lawng a um mi pawl phone kan ko thei. Kum u pa pawl, mina pawl vehnak ti vek, mifarah pawl, a tul tu pawl hrangah tikcu caan pek in tuah sak a theih.

         Pakhat le pakhat remcang lo mi pawl rem dingin tuah in, ngaithiam dingah mah lam in ngaithiam dil in, mai ngaithiam ding mi a um khal a si le ngaithiam in, leiba pawl sam in tha ten pekding ti vek a silole Pathian caan pe thei lo in thlacamnak pawl tuah dingah thei lo vek ten caan reipi rak um a si pang le Pathian ih zaangfahnak taangnuam ah beu in Pathian upat ti vekin a hngetkhoh mi tidaan pawl thawn Christmas timtuah thei hram uh tiin Pope in a sim.

         Angelus thlacamnak cam theh hnu ah Pope Francis in buainak a can reronak Ukraine cu hriamhrei thawn si lo in rel tlang in a phi hawlnak le harsatnak pawl a phi hawl thei hram uh tiin thla a rak cam sak.

Cu vekin Pope in Kentucky tel in America continent ih hmum tampi ih a rak hrang mi thlisia ruangah harsatnak a tuar tu pawl hrangah khal thla a rak cam sak.

         Hi thuthang cu Rome Reports thuthang ih kan ngah mi a si.

https://bit.ly/32061pY