America Catholic Bishop pawl in tornadoes thlisia harsat tuar pawl hrangah thla an cam sak thu Pope in sim (December 12, 2021)

America Catholic Bishop pawl in tornadoes thlisia harsat tuar pawl hrangah thla an cam sak thu Pope in sim

(December 12, 2021)

               Kan dung Adventu caan zarh thumnak zarhpi ni sunlai Angelus thlacam nakah Pope Francis in America ramsung a malbik ram then 5 ih a hrang mi tornadoes thlisia ih harsat tuar pawl hrangah thla an cam sak thu, siatral nak khal a tam thu, mipi pawl ih thinlung nat nak pawl khal a tong thu a sim.

Bangran ten thlacam cio uh.

              Himi thlisia ruangah Kentucky ramthen ah nunnak a cem tu mipum 20 luan an um. Ramthen cozah ih an suah nak vekin nunnak a cem tu mipum 100 tiang an um thei thu, Mayfield khuapi, phayawngtaing tuahnak zung pakhat ih mi 40 cu an run suak thei thu, asinan 70 hrawng cu thli a ran caan ah an thih thei thu, a dang ramthen 4 khalah hi thlisia in mi 30 a thih ter thu, Thlisia ih namnuai nak a be siatnak Owensboro Diocese ih Bishop William Medley in Catholic mipi pawl hnen thlisia ruangah nunnak a cem tu pawl hrangah thlacamnak thawn kom khawm dingah a cah.

Zarhte niih suahmi a thuthan mi ah atuvek siatsuahnak can nakah Kohhran sungih Parish a phunphun hnen a hlu sumpai pawl khuanin thlisia ih harsat tuar pawl hnen bomnak pe dingah, Diocese ih Caritas dinhmun in cun a hrampi ih bomnak a tul tu pawl hnen bom lohli dingah man cia ih um a si thu a sim.

Remdiahnak, hnemih thapek nak le ruahsan nak hrang thlacamnak

              Ramsung ih tahnak in cun America Catholic Bishop pawl pawlkom ih President asimi Los Angeles Archbishop Jose Gomez le ram sungah thudik le thangso nakih tuanvo nei tu Oklahoma Archbishop Paul Coakley khalin thlisia ruangah nunnak a cem tu pawl, hriamhma a ngahtu pawl le a thi tu pawl, inn pawl sungih a siat mi pawl hrangah riahsia ih a um tu innsang pawl ih sungkhat pawl, inn hnen pawl hrang thla an cam sak thu, thlisia ih hran a tuar ih a dam lai tu pawl zaten khal zumnak ah hnangamnak, hnemnak, ruahsannak ngahhram hai seh. Pathianih a cem thei lomi duhdawt nak khal co thei dingah, tul hai mi pawl khal a zamrang thei bikin bom thei dingah, a  bawm tu pawl khal him dingah, harsat a tuar tu kan unau pawl zaten Bawinu hnen ap a si thu, Bawinu ih humhimnak, thlacam sak nak, nat tuar pawl hrang thlacam sak dingah dil sak a si thu, thuthan nak ah a sim. Himi thuthang cu Vatican thuthang ihsin kan don mi a si.

https://bit.ly/3E2peon