A mah a no tertu thuthup Pope Francis in sim December 17, 2021

A mah a no tertu thuthup Pope Francis in sim

December 17, 2021

          Kumtin December 17 cu Pope Francis ih suahcam a si. Curuangah Pope hnenah kohhranpi pawl in cibai buuk phah in a thathonak, a nonalnak thawn pehpar in an rak sut ih Pope in hi tiin a rak let sal. Pope cu remdai ten a um theu thu, hi ti daan cu kum reipi ziang tin a rak thlun nak thu hi tiin a rak simfiang.

          Pope cu tlaitluang ten a um. Ziang hmuahhmuah ah  nuam aw thiam dingin a tuah aw theu. Pathian thawn siseh, a mah rori khal dai ten a um. Hi tidaan cu ‘nonalnak’ ih duhsan a si. Hi pawl in Pope Francis an hngetkhoh ter. Curuangah Pope pawl ih rian rak tuan mi ca uk ah kum upabik mi Pope ah thuanthu cahmai thar an tuah.

          Pope cu 1936, December 17  ah a rak suak. Jesuit Puithiam pawlkom ah a kum 21 ah a rak lut ih kumkua Puithiam cannak cu a kum 33 ah a rak lak. A kum 55 ah Assistant Bishop dinhmun in a rak tuan ih a kum 61 ah Buenos Aires ih Archbishop a rak cang. Cardinal ih hrilnak a ngah caan ah kum 64 a kim zo.

          St. Peter ai-awh tu 266 Pope ih hrilnak a ngah caan ah kum 76 a kim zo. Tu ahcun Pawlpi ih a sangbik mi riantuantu Pope dinhmun in a hnokih hniksaknak tam zet mi lakah a tawlrel rero. Biaknak lam, ramkhel, nunphung hotu, pawlkom pawl thawn khal man lo tluk in a tong aw theu. Asinan, Pope cu a tha a tho zet lai thotho. Kan mah hrangah khal zir dingah Pope Francis in hi thuthup a rak phuang.Hmaisabik ah Pathian ih laksawng cohlang aw.

‘Ka remdaihnak cu Pathian ih thluasuah a si. I tanta dah lo ding tiah ka ruahsan’ tiah a rak sim.

 Hmuhton rero mi buainak tinkim St. Joseph hnenah apaw.

Pope Francis in St. Joseph danglam hleice ih a upat cu mi tin ih theih mi a si ko. St. Joseph cu a mai thawm huham tum zet mi phenthlaam ah Pawlpi cu remdai ten a um. Harsatnak pakhat khat a um a si le cahnah pakhat parah ngan in St. Joseph ih sintuh (zuk) hnuai ih a rak ret thu 2017 ah Italy tong thawn thlah mi Corrirere della Sera thuthang ca thawn thu suhawknakah a rak sim dah.

     A bok mi St. Joseph zukih duhsan cu Cathianghlim ah a mah cu Pathian ih thuphuannak a ngahnak mangsal dingah a si. A mang ah Pathian ih duhnak a rak thei. Nu Maria le Naute cu Siangpahrang Herod hnenih relh dingah thuthan a rak ngah. (Mt 1:2, 13, 19-20) Pope Francis ih St. Joseph upatnak cu Pope a can hnu lawngah a si lo. Mino nunram, a kum 17 in a si.

     A mai kawhnak khal St. Joseph Biakinnpi ah tleunak a rak ngah mi a si. Pope Francis in ‘a bok mi St. Joseph cu a ihkhun kiangih a ret hi ihhmut sii hnakin a tha sawn’ tiah a sim.

Pathian ah hna thawng thiam hram uh.

Pope Francis cu Pathian thawn nitin um thei dingah caan a pek theu. Hi tiin Pathian thawn an pawlkom awk lai ah a mah le a mah a cek awk sal theu. Hi cawlhnak cu ka taksa, thlarau a pahnih hrangah a tul. Pathian thawn tha ten kom aw thei dingah dai zirziar tei umnak lamah thiam a har zet. Asinan, Pathian ih aw thei in a thusim mi theih thiam ding a thupi.

Tuanten it, tuanten tho

Pope Francis in a mai nikhat sung caanserh pawl cu pelh lo in a tuah ringring. Zaan nazi 9 a kim hlan te ah a it ih zing nazi 4 ah a tho theu. Sun rawl ei theh ah malte sung a cawl theu. Mithianghlim pawl ih cam theu mi Parik thlacamnak a duh zet ih cat bang lo in a keng theu. Missa sumnak cu upatnak thawn nitin a tuah theu.

     Rosary cam khal a pelh dah lo. Thla a cam tinten Bible thawn thla a cam theu. Cu tikah remdaihnak cu a thinlung sungah a seem. A serhreh mi pawl khal thlacamnak thawn dai dingah a tuah. Pope cu thinlung lam harhdamnak ngah dingah sawmdawl rero tu a si. Thinlung lam harhdamnak thansonak cu a nunram ih thupi zet mi a si.

Thinbangnak kha thlacamnak thawn dam ter aw.

Thinbangnak mal deuh dingah ti daan thabik cu thlacamnak a si. Pope cu tuah daan hman thawn thlacamnak kha a thupi in a ret theu. Pathian hnatuan tu pawl ih an cam theu mi thlacamnak khal a duh ih a sim theu.

     Missa raithawinak kha upatnak thawn nitin tuah ding. Rosary khal pelh lo in cam ding. Thlacam tinten Bible thawn a cam theu. Cu tikah remdaihnak cu thinlung sungah a nung. Tihphannak thinlung pawl khal thlacamnak thawn dai dingin tuah a si. Pope cu thinlunglam harhdamnak nei dingah a tuah rero tu a si. Thinlung lam harhdam ih thansonak cu a nunram ah a thupi zet.

     2021 ah thusuhnak pakhat ah siibawi thuthang latu thawn biak aw phah in Pope cu a mah ih ruahnak lam harhdamnak kha a hleice in a ngaihsak thu a sim.

     A mah cu Argentina ram ih Jesuit pawlkom ih tuanvo nei tu tiin hnatuan lai ih a thuhla a sim. Cu mi caan ah thuneitu ih uknak a tuar caan a si. Rome mipi pawl tampi ramsung ihsin suak thei dingin bom in minung nunnak a rak run. A mah ziangtin tuah ding ti a thei lo tu ramkhel lam dinhmun a rak ton thu, cui dinhmun ah nunau pakhat hnen feh in a va tong thu, sinak a nei zet mi nunau a si thu, cui nunau in Jesuit siangbawi tuantu ding Brother pawl ih thinlung lam dinhmun pawl thei thiam dingin ziangtin tuah ding ti mi a rak zirh.

     Cui hnu thlaruk a rei ah a mah thawn tlakhat veikhat an tong aw ih Brother pawl ih thinlung ruahnak lam dinhmun pawl thawn pehpar in thu an rel tlang. Pope a mah rori khal ukawknak caan ih an sual nak a hmu ih tihnak thinlung pawl ruangah thinglung lam siibawi thawn tuamhlawmnak a la.

     Ziangah tile sualnak nei lo mi mipi pawl ramleng ah tlan thei dingin a bomnak ah puan pakhat lawng sin mi pawl mawtaw sungah a thupi ih ralkap ih check nak hmun pathum pah suak thei dingin a bomnak cu ziang tluk in a zuam ti mi ruah a theih.

     Thu nei tu pawl ih an hmuh a si le dinhmun ziang tluk in a besia ding ti mi ruah a theih. Cu mi dinhmun ah thinphang a si vekin thinbangnak khal a sang zet. Asinan, cu tihnak thinlung, beidong nak pawl cu thinlung lam siibawi thawn hmanhman ten tong aw in cui dinhmun a pahsuak thei thu a harhdamnak ziang tin a kilkhawi thu a sim.

     Hi thuthang cu Aleteia thuthang ih kan ngah mi a si.

https://bit.ly/3GVzNLK