Pope Francis in Anglican Archbishop Tutu ih thihnak hrang a riahsiat thu ca kuat 26 December 2021

Pope Francis in Anglican Archbishop Tutu ih thihnak hrang a riahsiat thu ca kuat

(26 December 2021)

         Pope Francis in thlanglam Africa ih Anglican Archbishop Desmond Tutu ih thihnak ruangah a riahsiat thu ca a rak kuat. Cui Bishop cu a kum 90 ah a nunnak a cem ih Pope in a innsungsang pawl le sungkhat rualpi pawl hnenah a tuar pi ve thu riahsiatnak ca cu thlanglam Africa ih Pope ih palai hnenin a rak kuat. A suahnak Africa ah miphung bangraan in covo le remawksalnak hrang zuam zet ih tuannak thawn Pathian thuthangtha rak phuangtu cui Bishop in pumpe ih a tuan mi pawl khal Pope in a rak lawm.

         Thlanglam Africa ih zalennak le democrary ngah thei nak hrangah Bishop ih tuah mi pawl zaten ciin ringring ding mi pawl an si tiin khal cakuat sungah a rak ngan. Anglican Archbishop cu Johannesburg ah a rak suah thu, 1990 kum thok lam miphun thleidannak a cem zawng Nelson Mondela President a tuan caan ah hi Bishop Tutu cu Africa ih ramawksalnak le thudik commission ih hotu ah hrilnak a rak ngah.

         Cui hlei ah Archbishop cu duhdawtnak le ngaithiamnak ti vek, thlarau lam thlun ding mi pawl thawn leitlunhuap ih minung pawl luatnak hrangah kum reipi bomnak a rak tuahmi parah 1984 ah khal Noble prize (sunloihnak) rak ngah tu a si tiah an sim.

         Hi thuthang cu Vatican thuthang ih kan ngah mi a si.

https://bit.ly/32oRvZD