Nunau pawl parih hmuhsuamnak Pope Francis in mawhthluk (January 03, 2022)

Nunau pawl parih hmuhsuamnak Pope Francis in mawhthluk

(January 03, 2022)

          Leitlunhuap remdaihnak ni thawn  ni a bangaw mi Pathian ih Nu sinak puaini ah St. Peter tualrawn ah Pope Francis in Missa sumnak tuahnak thawn 2022 ah a rak thok. Nu le pa pawl upat dingah le nunau pawl humhim dingah kan zaten tuah cio uh si ti duhsan thawn ‘ziang tlukin nunau pawl parah na hmuhsuam zo? A tawk zo. Nunau pakhat nat ternak cu nunau pakhat hnenin milai sinak lak tu Pathian ziang siar lo nak a si’ tiah Pope Francis in a rak sim. Pope in Thianghlim Bawinu cu Nu pakhat dinhmun ih ruahnak cu cui nu cu fale pawl dam lo caan, harsatnak ton caan ah ruahsannak pawl pe thei tu, bawmnak pe thei tu, thazaang nei tu ah Nu pawl ih ralthatnak a rak ruat.

          Nu ti mi in remdaihnak a lang ter thei ih ruahnak bangawk lo nak pawl le donkhamtu pawl ziangtin pahsuak ding ti a thei tu pawl an si. Remdaihnak cu Pathian hnenih dil tul mi laksawng pakhat a si vekin mitin ih tuah tul mi tumtahnak a si thu, hling vekih kham tu harsatnak pawl le ruahnak bangawk lonak a can ding hnakin lungrualnak ih tleek mi belh thei tu pawl kan tul. Hi mi hi nu le pawl in ziangtin tuah ding ti an thei tiah a sim.

          Kumtin January nikhat tinten mifim pathum vekin hruk tu nauhak tampi pawl cu hmaisabik khung ah an to theu. Hi pawlkom cu (Star singers) tiih mi theih tam zeg mi Australia ram ih ra mi pawlkom a si. An mah cu Christmas hla sak phah in zaangfah lainatnak hnatuan hrangah sumpai khawngtu pawlkom khal an si.

          Hi thuthang cu Rome Reports thuthang ih kan ngah mi a si.

https://bit.ly/3n3yLGm