Pope Francis in nisuahnak lam Pawlpi pawl Christmas thlacam sak (6 January 2022)

Pope Francis in nisuahnak lam Pawlpi pawl Christmas thlacam sak

(6 January 2022)

          Pope Francis in tlawngkai nili ni, sun Angelus thlacam thehah St. Peter tualrawn ah ra in thla a ra cam tu pawl cibai a rak buuk. Cui caan ah Pope Francis cu a thaisun tlawngkai ninga ah Christmas Puaipi tuah dingih a timlam mi, Eastern Churches ti mi nisuahnak lam ih Kohhran unau pawl hnenah thlacamnak thawn cibai a rak buuk laifang khal a si. Cu pawl cu an maih Pathian biakdaan Eastern Rite timi hmangtu khal an si.

          Cui nisuahnak lam ih kohhran unau pawl cun Christmas cu Western Rite or Latin Rite ‘Latin’ tiih mi theih tam zet mi hmang tu Christian pawl thawn Christmas an tuah caan malte a dang aw. Ziang ruangah hi tiin a dang aw thei ti le nitlaknak lam in ‘Gregorian’ calendar an thlun ih nisuahnak lam Christian pawlpi in ‘Julian’ calendar an thlun ruangah a si. (Hi calendar pahnih ih dang awk nak neta lam tikcu remcang hawl in tarlang a si leh ding.)

          ‘Kei mai remdaihnak le thluasuah ka lo pek. Thianghlim Maria hnenin a suak tu ding Christu Bawipa ih tleunak cu nan mah le nan innsungsang, nan pawlkom parah tlang hram seh. Nan unau pawl in a tha bik in co hram hai seh’ tiah thla a rak cam sak.

          Cui hnu ah Pope cu January 06 ah kumtin tuah theu mi ‘missionary nauhak pawl puai ni’ mangsal in thla a rak cam sak. Christian nauhak pawl cu an nauhak lain an tikholhnak Sacramentu thawn mission hnatuan ding tuanvo an nei ti ralrinnak a pek. Leitlun ih hmun le ram tampi ah nauhak pawl cu an mai himnak hrangah thla an cam rero. Cu lawngah Thuthangtha a thei hrih lo tu pawl hnenah than in an sim thei ding.

          Pope in missionary nauhak pawl khal lungawi thu a rak sim. Cu vek in Christian mission riantuannak cu kum hril lo; hmun hril lo; in mai nitin nunram ah teette khaan cio dingah a rak sim bet. Pope in cibai buuk nak tongkam a sim ni ah 2022 hrang, leitlunhuap riantuannak hrangah thuthang tong khal a rak suah.

          Hi thuthang cu Vatican thuthang ih kan ngah mi a si.

https://bit.ly/3fpRW8I