Vatican in 2025 kum ‘ruahsannak khawmzawhnak Jubilee’ hrangah motto mipi theih in suah (13 January 2022)

Vatican in 2025 kum ‘ruahsannak khawmzawhnak Jubilee’ hrangah motto mipi theih in suah

(13 January 2022)

         Pope Francis in 2025 kum ‘ruahsannak khawmzawhnak Jubilee kum’ hrangah tuah dingih tumtah mi sirhsan in ‘motto’ thuluu cu mipi theih in a than zo. Pope ih thuthangtha cu tidaan thar thawn thuthannak zung hotu in 2025 Jubilee kum hrangah Pope ih can ter a duh bik mi cu a san um ih a tha bik mi lamzin a si’ tiah January 03, Pope thawn an rak tonawk theh hnu ah Archbishop Rino Fisichella in a rak sim.

         Jubilee ih motto cu a tawi mi cafang lawng a si thu, cu mi cu ‘Pilgrims of hope’ (ruahsannakih khawmzawhnak pawl) a si thu, a tawi te ko nan tawi te ih fiang zet mi motto a si thu, rak tuah mi Jubilee pawl vekin Jubilee ih ‘thlarau lam khawmzawhnak’ a sirhsan thu, tui hril mi ‘pilgrims and hope’ (khawmzawhnak pawl le ruahsannak) tongfang pahnih cu Pope Francis ih Pope a tuannak langternak a si thu, puai tuah dingah a tang lai mi kumhnih sungah puai hrangih timtuah tul mi pawl a tam tuk.

         A thupibik ahcun a felfai zet mi timtuahnak a tul thu, cu lawngah tuanvo laktu pawlkom pawl in hlawhtling zet in tuahsuak a theih ding thu, thok dingah Pope hnenin thu nepnawi ngan rero a si thu, tuah ding mi hrekkhat an tuah thok zo thu, a thupibik ih tuah ding mi cu hi Jubilee kum hrangah mipi pawl le leitlunhuap ih a ra ding mi khawmzawhtu pawl Rome khuapi ah remcang in a him zet in hmun an timlam sak.

         Cu vekin hi kumhnih sungah covid-19 thawn pehpar mi harhdamnak lam rikhaih pawl khal a um nawn lo ding tiih an ruahsan thu, Lazarus ramthen, Rome khuapi ih sipin lam thawn siseh, Italy acozah thawn siseh, pehtlaih ih tuah dingah a si thu, ziangah tile khawmzawhtu pawl ih himnak lam fimkimnak lam le khawmzawhtu ih cohlan thei nak lam a hleice ih a tul thu a rak sim.

Jubilee kum

         A liam zo mi 2015 cu ‘danglam ih a thianghlim zet mi zaangfah lainatnak kum ah Pope in a rak thok. A ralai ding mi puai khal kum 25 rei tiin tuah ding a si. Jubilee cu 2000 kum ah an rak tuah.Cui Jubilee thawn leilung pumpuluk siseh, Catholic Pawlpi in siseh kum thawng san thar pakhat tuah dingah an rak timtuah.

         Jubilee kum cu a danglam mi thlasuah co kum a si. Ziangah tile cui kum pawl ah Nu Pawlpi in kohhranpi pawl a danglam hleice mi covo a si mi ‘indulgencia’ (sualngaithiamnak thlasuah) pawl a pek.

         Tuah daan theu vekin Jubilee kum cu Christmas hlan te ah a thok ih a hmaikum cu St. Peter Basilica Biakinnpi ih Jubilee saangkapi ropi zet ih rak on nak thawn a rak thok ih a dang Basilica pawl a si mi St. John Lateran, Rome khuapi tualrawn ih um St. Paul le St. Mary Major Basilica Biakinnpi ih Jubilee saangkaa pawl a rak on sak. Cui Jubilee saangkaa pawl cu Jubilee kum cem ni netabik caan tiang an ong theu.

         Mai sualnak hrangah a famkim mi sualsirnak lak in cui Jubilee saangkaa ih luh a si le sualngaithiamnak ngah a theih. Cu lawngah a danglam mi sualngaithiamnak cu Baptism rak lak lai vek in thlarau lam dinhmun ah a thleng sal. Jubilee saangkaa cu Vancung saangkaa a si.       Hi thuthang cu Vatican thuthang ih kan ngah mi a si.   

https://bit.ly/3FywSHN