Pope cu Tonga tikulh ihsin tsunami namnuai nak a tuar tu Philippines rammi pawl hrangah thlacam sak dingah zangfah dil (January 19, 2022)

Pope cu Tonga tikulh ihsin tsunami namnuai nak a tuar tu Philippines rammi pawl hrangah thlacam sak dingah zangfah dil

(January 19, 2022)

            Pope Francis cu kan dung zarhpi ni sunlai thlacam nakah Tonga tikulh ih ummi mipi pawl hrangah thlacam sak dingah zangfah a dil. Cui tikulh ih a um tu pawl cu Tonga-Hunga Ha’apai’ meisa tlang puak nak tha ruangah tsunami tisuar ih namnuai an tuar.

Thlacam nak thawn naiten um nak,

            Pope cu Pacific tipi thuanthum hmun ih ram pawl hrangah Pathian in zangfah in an harsat nak pawl in luat thei lohlinak dingah thla a cam sak. Amah thawn ulenau zate hrang hmunkhat in thla cam sak ding khalah a rak sawm.

Siatsuah nak a tam,

            Leitang ih meisa tlang cu tuithla ni 15 ah a tha a tam zet mi thawn a rak puak. Curuangah tsunami tisuar pawl a cang ter. Cui tisuar pawl ih tha cu America tikap tiang a thleng. Himi thilcang ruangah mi 3 an thi ih, inn tampi a siat. Mi 105000 inn pawl cu lei bet ti in a khuh, electric mei le nunphung pehtlaih nak lam pawl zate khal a siat. Thenkhat hmun pawl ih ti thlum pawl khal leibek pawl ruangah in ding a cang thei nawn lo thu, cui ti sungah arseric le cadmium dat pawl a tel thei thu thunei tu  pawl in an sim. Himi thuthang cu Vatican thuthang ihsin kan don mi a si.

https://bit.ly/3FO0Wzk