Pathian in kan hriamhma pawl kha nurse pakhat vekin tha zetin in damter tiin Pope Francis in sim. January 19, 2022

Pathian in kan hriamhma pawl kha nurse pakhat vekin tha zetin in damter tiin Pope Francis in sim.

January 19, 2022

            Pope Francis cu a el nat na a tuar rero ih tlawngkai nithum ah a hlan hnakih nuam te deuh in a feh. Mipi pawl tonnak ah Bawi Jesuh ih a rak sim mi tahthimnak sungah pa pawl ih thu sim phah in St.Joseph ih thatnak theih a theih. Cui thatnak cu minung pawl zangfah nak thawn pehtlaih thiam tu Pathian ih umlo thei loin a dang lam mi a hrampi hminsinnak pakhat asi tiin Pope in a sim.

            “Tangdor thinnem nak cu a hleice in thinlung lam asilole a lenglam lawngih thil um daan a silo. Cuvek pawl in kan farah nak le thinbang nak pawl sungah kan ngah mi duhdawtnak thawn hlum zetin tonawknak cu Pathian ih duhdawtnak thawn a thleng. Nurse pawl cu minaa pawl ih hmailam kha nehhnu ah nan awn lo dingin thazet in an zoh ding. Kumkhua Pathian khalin kan hmailam kha cutivekin in tuamhlawm” tiin Pope in a sim.

            Cuihnuah Pope Francis ih nunram ah a thupi bik mi tongkam sungih pakhat von ruat sal in Pathian cu kan sualnak thawn a khat hman ah kan dunglam thu pawl a tih lonan, duhdawt nak a um lomi thinlung a nei tu pawl cu a tih thu a rak sim.

            “Kan zaten sim fiang dingah thuhla tampi kan nei nan Pathian thawn pehtlaih nak cu a mawi, cumicu kan tong tikah Pathian in in pom ruangah a si. Cumi pawl cu a mawi nak a si. Pathian in in ngaithiam ringring. Cumicu na thinlung le na lu sungah thei ringring aw. Kanmah sawn lam in ngaithiam dil dingah kan ning. Asinan a tha lo bik mi hman Pathian in in ngaithiam sak” tiin Pope in a sim.

            Himi ruahnak pawl cu thil sual tuah nak thawn pehpar mi thudik kha hivek zangfah nak langter suak dingah forhfial nak thawn minung pawl thleng aw dingah ruahsannak sangka tel loin mawhthluk nak tuah lo dingah Pope in a forhfial.

            Pope cu mipi pawl a ton nak ih a suah hlan ah Tonga ih tidai tang ih meisa tlang puak nak ruangah tuahmawh a tuar tu pawl hrangah thla a cam sak ih mipi pawl lakah a thusim mi pawl tong dang thawn a ngai tu mipi pawl khal cibai a buk. Himi thuthang cu Rome Reports thuthang ihsin kan don mi a si.

https://bit.ly/3GPQwR3