Pathian in in ngaithiam ringring. January 19, 2021

Pathian in in ngaithiam ringring.

January 19, 2021

         Sualthlahnak Sacramentu thawn Pathian ih zaangfahnak hawl uh. Pathian ih a neem zet mi sualngaithiamnak cu a mawi lo zet mi sualnak hnakin a tum sawn. Pathian in sualnak a tih lo. Pathian in in ngaithiam ringring. Hi mi theih nak cu nan thinlung sungah ciing ringring uh.

         Kan mah lawngin sualngaithiamnak dil dingah kan bang theu. Asinan, Pathian in in ngaithiam ringring. A tha lo bik mi sualnak ngaithiam dingah a man cia ringring. Pathian ih thil tuah mi pawl cu minung pawl ih hmuhton mi pawl ruat lawngah theih a theih ding.

         Tangdornak cu a siat ol mi kan nunram thleng dingah a tha bik mi tidaan a si. Tahthimnak ah: Nurse pawl cu an naa ih natnak a tuar rero tu mina pawl naa nawn lo dingah ziangtluk in tangdor ten an tawlrel ti ruat uh.

         Cu vekin Pathian khal in cu vek tangdornak thawn in tawlrel sak theu. Curuangah Pathian ih zaangfahnak cu sualthlahnak Sacramentu thawn siseh, thudik thuhman thawn siseh tangdornak thawn thawn tep ding a thupi. Pathian ih thinnem tangdornak cu khawvel thil pawl hnak in a tum sawn.

         Ruahban lo mi tidaan thawn thudik a pek thei. Tangdornak nei dingah sim hlan lo thudik tuah lo dingah in uk ter ding. Curuangah rundamnak cu sualcawhkuannak thawn a rawi aw ding.

         Cu vekin Pope in thawngthlak mi pawl a mang ringring. Sualnak rak tuah tu hrangah sual tuah man cawhkuan a tuar ding. Sualnak a tuah tu pawl khal cui sualnak ih luat dingah zuam a tul. Ruahsannak saangkaa um lo in thuthennak hrial a theih lo.

         Thawngthlak tuar tu kan unau pawl hrangah mangsal in thlacam sak cio uh si. Pathian ih tangdornak ruah vek in an mah khal tep dingah thlacam sak uh si. Cu a si ruangah a tha sawn mi nunram hawl thei dingah ruahsannak saangkaa te hawl a theih ding.

         Pope in tui Zarh ah Pathian ih tangdornak thuhla Isaiah 11:3-4 sungta thawn pehpar in a rak ruat. Pathian ih prophet cu a kut in a kai ih feh thiam dingin a zirh. Pathian cu Prophet hrangah Pa vek a si. Ziangah tile nauhak lai hman ah sentet lai ihsin sawmdawl a rak si. Mah rori in cawm a si. Bible sungta Pathian a minung thawn ziangtin an pehtlaih aw ti theih nak cu lungawi za a si. Cu vekin St. Joseph khal in Naute Jesuh a rak kilkhawi. Pope in a thusim cemnak ah St. Joseph hnenih ap mi hi thlacamnak laksawng ah a rak pek.

Mitangdor zet mi St. Joseph…..

         Kan mah ah tha mal zet mi duhdawt daan thawn duhdawt mi kan si ti in thei ter hram aw. Kan sambaunak le Pathian ih a sunglawi zet mi a duhdawtnak lak ah ziangvek donkhamnak hman re hram hlah aw. Sualthlahnak Sacramentu naihduhnak thinlung um ter hram aw. Cu lawngah kan sualnak, palhnak pawl ngaithiamnak kan ngah ding. Farah zonzai mi kan unau pawl khal tangdor ten kan duhdawt thiam ding. Sualnak a tuah tu pawl le cawhkuah a tuar rero tu pawl ih kiangah um hram aw. An mah cu thudik thawn lawng a si lo; Tangdornak khal hawl hmu in nunram thok ter sal hram aw. Nunram thok sal dingah hmaisabik kekar cu tlaitluang ten ngaidamnak dil dingah Pa Pathian ih zawnruahnak tep dingah a si thu in thei ter hram aw….Amen.

         Pope in hi thuzirhnak cu January 19 ah Pope Paul VI hallkhaan ih a rak sim mi a si.

https://bit.ly/32mK1pW