Apawknak nunram ah a thar mi hmuhdaan thawn nung cio dingah thukam pathum laltu Pathian riantuantu pawl ni Missa sumnak ah Pope in sim ( February 02, 2022)

Apawknak nunram ah a thar mi hmuhdaan thawn nung cio dingah thukam pathum laltu Pathian riantuantu pawl ni Missa sumnak ah Pope in sim

February 02, 2022

          Pope in February 2, zaanlam ah thukam pathum laktu mipa, nunau pawl hrangah an mah thawn Missa raithawinak a rak tuah. Cui ni cu an mah sunloih ni ‘leitlunhuap riantuantu pawl ni’ a si. A thusim mi sungah a tlaitluang ih thlacamnak nunram thawn Jerusalem Biakinn ah um ringring theutu kum upa Simeon le Anna tei thuhla a rak sim. Messiah thlah ding ti mi Pathian ih thukam cu zo khal pelh hman sehla an nih cun thinlung hloptlo ih rak hngak rero tu an si. Simeon cu Thiang Thlarau ih thangphawknak a rak ngah. Milai ih rundamnak cu Bawi Jesuih hnenah a rak hmu. Naute Jesuh a kut ah a cawi ih lungawi thu sim theinak caan a rak ngah. Ziang mi in zirh?

          Pope in hi mi thawn pehpar in pathum a rak ruat. Pakhat nak ah: Simeon ih nunram in ziang mi in zirh? Simeon vekin Thiang Thlarau in Pathian hmaiah thu ruat thiam dingin thluasuah in pe. Pakhat khat tuah tikah a hmu tu pawl ih upat ding mi tumpi tumtah dingah a si. In forhfial thei biktu cu zo saw a si? Thiang Thlarau Pathian a si ko lo maw? A si lo le hi leilungpi ih thinlung um tu daan, ruah daan saw? Hi thusuh awknak in mai nunram a ap aw mi riantuantu tinkim suh tul mi thusuhnak a si. Thiang Thlarau Pathian in thil fate pawl, nauhak pawl ah Pathian hmu thiam dingah in thangphawk theu. Asinan, tu le tu kan mai apawknak cu ngah ding, tumtahnak le hlawhtlinnak lawng zoh in saduh kan that theu. Kan nih in huap thei dingah, mi upat mi si dingah, thil tampi lawng kan ruat theu. Thiang Thlarau Pathian in thukam tlinnak le thil fate pawl ah ralring thiam dingin nitin ten in sawmdawl dingin a forhfial.

          Apawknak nunram ih a khuasak tu pawl hrangah an mah lakah thinlung ruahnak dinhmun, ruahnak pawl, thlarau lam cangvaihnak pawl tharthawh sal a tul. Cu lawngah a thar mi Mithianghlim nunram hmaisabik ah hman ten hmuh a theih ding.

Kan mit in ziang vek thil a hmu? Pahnihnak ih an rak ruah mi cu: Kan mit pawl in ziang vek thil a hmu? timi a si. Pathian in zaangfah lainatnak thawn a khat mi thawn in zoh rero. Cu vekin kan mah le kan mah siseh, leilungpi siseh, hmuhdaan thar thawn zoh thiam dingah in zirh. Hi tiin in zoh ko nan lenglam hmuhdaan pawl  hrial a ngah lo. Asinan, sunsak zetin kan sambaunak pawl, sunnak pawl hmuh a theih ding. Cu lawngah Pathian ih umnak fiang zet in hmuh a theih ding. Curuangah kum upa mi Bro. pawl, Sr. pawl hnenih lennak, kilkhawinak, biakawknak, thusuhnak, an ruah mi pawl ngai sak ti vek tuah a tul. Pathian in hmuhdaan thar thawn riantuantu nunram ap aw dingah in thangphawk ringring.

          Kan mit pawl meng tlang uh si. Thiang Thlarau in kan au aw, a tla mi zat le tha mal nak lakah kan nunram, pawlkom pawl tharthawh sal dingah in forhfial rero. Kan himnak, tihphannak pawl ruangah beidong in dungsiip duhnak pawlkom ih cin le daan pawl tha ten thlun thei lo nak ti vek: thinlung lam hnaihnok tertu ruahnak pawl ruangah dungsiip duhnak thinlung pawl ruah lo le lut lo dingah ralrinnak a rak pek. Ziangah tile Simeon le Anna pawl cun fek zet in an rak ruat lo. Asinan, zalennak ah rawlul le thlacamnak thawn nuam ten an rak tuah.

Pathian pom cio uhsi!

          Pathumnak ih an rak ruah mi cu: kan kut sungah ziang mi kan kai? ti mi a si. Veikhat veihnih ah kan mah ai-awh tu hminsinnak pawl an hlo theu ih a thupi lo mi thuhla 500 pawl thawn thu a tam theu. Ruah tul mi hnatuan pawl a tam. Caanserh thar pawl, project pakhat khat tuah a si theu. Ziang tinkim ih thinlung cu Khristu a si. A mah lawng kan nunram ih Bawi ah cohlang aw.

          Nunram ap aw tu mipa, nunau pawl dinhmun in Pathian siseh, minung pawl siseh sunloihnak (thlacamnak) tongkam um lo nak, nuamnak um lo nak, an tharthawh mi pawl sunnak, unau thinlung pawl hlo in tuanvo pakhat vek ih laknak pawl a can le hi vek ih cannak cu mi pakhat khat, thil pakhat khat ruangah a si lo. Hi vekih cannak cu kan mah dinhmun in Bawi Jesuh kan cohlan lo ruangah a si. Cu tikah kan ruahnak pawl, a palh thlang. Sual puh duhnak, sualnak pawl kan hmu ih duhdaan vek in a si thiam nawn lo. Nitin ten pelh lo ih tuah tul mi khal thirkual (datkhe tha) thawn tha pek rero mi nazi vek ah a cang ding. Tangdornak khal a um nawn lo. Kan sinak hman zoh thiam lo vek ah a cang.

Hmuhdaan thar thawn thok aw!

          Pope in a thusim cemnakah a pawknak nunram tharthawh dingah, kan thinlung le hnatuan pawl khal ziang vek thuhla ruangah kawhnak ngah ti khal cek awk sal dingah a rak sim ih netabik ah kum upa mi Simeon le Anna vekin Bawi Jesuh kan kut thawn pom tlang uhsi tiah a rak forhfial. Hi mi thuthang cu Vatican thuthang ih kan ngah mi a si.

https://bit.ly/3GEGkKB