Remdaihnak hrang phur zetin cangvai tu pawl in Ukraine ram ah ralbuainak cang lo dingah bawm dingah Pope hnen cah (January 30, 2021)

Remdaihnak hrang phur zetin cangvai tu pawl in Ukraine ram ah ralbuainak cang lo dingah bawm dingah Pope hnen cah

(January 30, 2021)

            January 24, Pope Francis Angelus sulai thlacamnak ah “remdaihnak cu minung covo a si” timi cat el in Aalaan keng mi pawlkom pakhat cu St. Peter tualah diingin an tel. Nehhnu ni pawl ih reilote ah cui pawlkom cu pawlkom sungtel ih din tu le hoha tu pawl cu Pope mipi pawl a ton theu nak tlawngkai nithum program ah an tel. Cui pawlkom cu “Society Culture of Peace” ramdiahnak nunphung pawlkom tiin an ko. Cui pawlkom ih President cu Henning Zierock a si. Amah cu Russia le Nato pawl kom sungtel mi Europe ram pawl, Ukraine ram le ram khellam dinhmun a that lo thu, curuangah a thupi thuhla ihsin Pope ih bom nak thawn pawlkom sung tel ram pawl thawn hmunkhat ten tong aw in thurel tlang in, ralbuainak cawl dingah, anmah pawl cu Pope hnen zangfah dil nak ca le ram tin kim hrang remdiahnak a tel tu Poster kha Pope Francis hnen an pe.

            Pope Francis in January 26 ni cu Ukraine ram hrang ahleice in thlacam ni tiin a nemhnget ih cuini cu mah rori tel in thlacam thei dingah tawlrel cia mi vanzam lethmat pawl khal a ni an thawn. Ziangruangahtile himi caanserh ih tel nakin remdiahnak hrang Pope thawn anmah pawl khal hnget zet in an ding thu, kannih khal remdaihnak kan lo dil thu, ralbuai nak siiloin remdiahnak ngah ding thu, Pope dinhmun in leitlun killi ih khawmzawh pawl hnen Ukraine ram ih remdaihnak thawn pehpar in thupi ah ret in a sim ruang khalah an tha a tho thu an sim.

            Pope Francis in January 26 niah “Ukraine ram cu harsat nak pawl a tong tu miphun an si thu, a hlan ih ram cu rilrawng nak an tuar thu, a tha lo zet mi khal siseh, hmuh daan bang lomi remdaihnak thawn pehpar in siseh, harsat an tong. Ukraine ram ih remdaihnak van ih thlacam aw ruangah tuah tuan thei nak nei tu pawl ih thinlung, ruahnak thleng dingah cutiin thurelkhawmnak hlawhtling dingah, mah hrang ruat loin ral adai in kumkhua remdaihnak ngah thei dingah thla a cam.

            Henning Zierock dinhmun in Pope cu remdaihnak hnatuan ah a thupi zet mi thil tuah theih a si thu, ziangruangahtile Pope cu tan bul nei loin thudik ah a ding tiin mi tinkim in an zum thu, asinan in kilkhawi lo asile nang khal tuahmawh tu na si thu, Pope cu tong thawn, thlacamnak thawn thudik thawn tuah theih asi thu a sim. Himi thuthang cu Rome Reports thuthang ihsin kan don mi a si.

https://bit.ly/3AQClJo