Nan hriamhrei pawl dai ter uh. Mipi pawl ziangih rel lo tu pawl cu ralbuai nak a duh tu pawl an si tiin Pope in sim.

Nan hriamhrei pawl dai ter uh. Mipi pawl ziangih rel lo tu pawl cu ralbuai nak a duh tu pawl an si tiin Pope in sim.

            “Tulai ih kan theih kan hmuh mi ralbuai nak ruangah thin phan a si” tiin hram thok in Pope Francis cu tuilai “Russia in ruahnak neilo zet in an do nak ruangah harsa zet ih a tuar tu Ukraine ram hrang thlacam sak nak, anmah thawn hmunkhat ten tuar nak langter nak, raltlan pawl tlan suak thei dingah, ramdang fehnak pawl on sak dingah, Ukraine le leilungpi ih ziangvek thu ah siseh a cang mi buainak pawl ramkhel thu relkhawm dingah zangfah dil nak cu pakhat hnu pakhat an tuah.

            Zarhpi ni sunlai Angelus thlacam nak khalah Pope in “atui a cang rero mi dinhmun cang lo dingah tuletu thla kan cam. Pehbet in Pathian hnen nasa zet in thlacam dingah, khawmzawh pawl hnen a forhfial. Aralai dingmi March 2 cu “Ukraine ram ih remdaih nak hrang rawl ulh thlacam nak ni” asi. Cui ni cu Catholic mi pawl hrangah vut zam culh ni tlawngkai nithum khal a si. That lo nak a tuar tu Ukraine ram hrangah ahleice ih thlacamnak thawn kanmah pawl cu unau kan si timi hngilh lo dingah le ralbuainak zamrang zet in cawl ding ah Pathian hnen thlacam cio uh tiin a forhfial.

            Ralbuainak a tuah tu cu minung ziang ih siar lo tu pawl an si. Anmah cu mipi ihsin thok mi a silo. Mipi pawl ih nunram dik tak zoh lo. Mai hrang lawng ngaih sak tu an si. Anmah pawl cu khuavang thinlung keng in, hriamhrei lawng an rinsan. An rinsan mi thil zaten Pathian thu thawn a kalh. Anmah rori khal remdaih nak a duh tu mipi thawn hlat aw dingin tuah nak a si.

            Buainak tinkim ah mipi pawl cu ralbuainak a duh zet tu pawl ih mi le sa pawl an si. Hivek dinhmun ah ruat lo in a cang lomi mi phunhnih cu kum upa pawl le nau kai nei in hmunhim nak ih a tlan tu naute nu le an fale pawl an si. Curuangah Ukraine tahwn ramri a si mi ram pawl dinhmun in raltlan pawl zangfah nak thawn ram sungah kut thei nak lam pawl on dingah a dil.

            Ukraine ih ral buai nak lawng asilo. Leilungpi ih a dang pawl khalih a cang mi ralbuai nak pawl hngilh lo dingah thinlung tha  a nei mi mi zaten hnen a cah. Ziangruangahtile Yemen, Syria le Ethiopia  ram khal ah ral an buai rero. Ka sim hrih ding. Hriamhrei pawl dai ter uh. Pathian cu remdaih nak a tuah tu pawl thawn lawng a um. Tuahmawh tu pawl hnen ah a um lo. Remdaih nak a duh tu cu ralbuai nak a dodal. Ziangruangahtile ralbuainak cu mi dang ih zalen nak a hnaihnok. Ram tinkim ah elawk nak tuah nak a cang ter tiin a sim. Himi thuthang cu Vatican thuthang ihsin kan don mi a si.

 https://bit.ly/3M8kEdC