Pope cu Ukraine ram ih harsat tuar pawl hrangah nat a tuar ih thlacamnak zangfah dil (May 1, 2022)

Pope cu Ukraine ram ih harsat tuar pawl hrangah nat a tuar ih thlacamnak zangfah dil
May 1, 2022
Pope cu kan dung Pasca caan zarhpi veithumnak sunlai caan ah "Vancung Siangpahrang Bawinu" thlacam theh hnu Ukraine ram ah harsat tuar pawl hrangah thlacam sak dingah tui thla cu Bawinu Maria hleice ih duhdawt upat nak thla khal a si thu, curuangah remdaihnak hrang Rosary nitin cam dingah mipi pawl a forh fial.
Pope in a mai dinhmun in Ukraine ih khuapi pakhat a simi "Bawinu ih khuapi" tiih mi theih tammi Mariupol khuapi a vonmang thu, ziangruangahtile minung bang lo khop in bomb pawl puak ter nak, siatsuahnak an tuah rero thu, asinan ralbuainak pawl ih a kharhkhum mi pawl cu zangfahnak thawn bawmnak pawl pe thei dingah, timtuah sak dingah Pope in a sim bet. Ralbuainak a tuar tu Ukraine mipi pawl, a hleice in thanau pawl, kum upa pawl le nauhak pawl von ruah tikah thin a nat zet thu, mitthli hman a tlak thu, nauhak pawl thawn pehpar aw in duh lo cing ih dawi tuar, kaihtuar tihnungza thuthang pawl theih asi thu, Pope dinhmun in nat tuar pawl a zangfah thu, leilungpi dinhmun in remdiahnak tul taktak ti asile minung pawl cu a him lo mi tihnungza an ton caan ah pa khat khat tuah tul na in tuah lonak cu mangbangza a si thu, ral buainak pail in tong lawngin relkhawmnak khal hrial in hriamhrei pawl colh ter thei nak lam a um maw? A um asile Pope in tuah loihli ding daan thu a sut.
Tuahmawh nak pawl, hriamhrei pawl thawn buainak tuahnak pawl tuah a on lo, remdaihnak thawn thurelkhawmnak lam lawng hril ding thlacam ding tiin a sim. Himi thuthang cu Vatican thuthang ihsin kan don mi a si.
https://bit.ly/3MU7vEB