Pope Francis cu Japan ram ih Prime minister thawn an tong aw ih nuclear a um  lomi leilungpi si dingah ruahsan. (May 4, 2022)

Pope Francis cu Japan ram ih Prime minister thawn an tong aw ih nuclear a um  lomi leilungpi si dingah ruahsan.

(May 4, 2022)

              Pope Francis in Japan ram ih Prime minister Fumino Kishida Vatican ah a tong. A tuvekih tonawknak cu Japan ram le Vatican karlak pehtlaih nak an neih nak kum 80 kim nak kum khal a si ruangah a si.

              Japan cu 1942 ihsin thokin Asia ram pawl lakah Vatican thawn ram palai pehtlaih nak a  nei tu ahmaisabik ram khal a si. Prime Minister cu nuclear bungih harsat nak a tuar tu Hiroshima khuapi ih dar laksawng a rak pek. Prime Minister cu Hiroshima khua mi a si. Pope khalin remdiahnak hminsin nak pawl asimi ttulh fau hnah le thuro zuk a tel mi dar zuk a pek sal.

              Pope le minister tei cu Ukraine ram ih ralbuainak thawn pehpar in thurelkhawmnak an neih thu, nuclear hriamhrei um lomi leilungpi si dingah leilungpi in a ruahsan. Leilungpi dinhmun in nuclear hriamhrei neih nak cu ziang ti hman in ruah a ngah lo. Pom a theih lo. Himi tonawk nak cu 2019 Pope Francis ih Hiroshima le Nagasaki khuapi 2 ih a tlawn nak thuanthu von man sal nak a si. Ziangruangahtile Pope in cui khualtlawnnak ah ram hotu pawl dinhmun in chemical hriamhrei pawl cem ter nak a forhfial tiin an sim. Himi thuthang cu Rome Reports thuthang ihsin kan don mi a si.  

Photo courtesy of the Star/google images

https://bit.ly/37iZeuP