Tuluk ram ih zumtu pawl Pastor pawl thawn naiten an um thu Pope in sim ( May 22, 20220

Tuluk ram ih zumtu pawl Pastor pawl thawn naiten an um thu Pope in sim

May 22, 2022

            Khristian pawl kilkhawitu Bawinu kha mang in Tuluk Catholic mipi pawl thawn thlacam nak in hmunkhat ten an um thu langter dingah Angelus thlacam theh ah Pope in sawm. Francesca ih a tarlang mi ah zarhpi ni Angelus thlacam theh ah Pope in zumnak hlawm dingah kohhran hnatuan a rak din tu Pauline Marie Jaricot kha a man thu a sim. Pauline hnen Kohhran bomnak a pek ruangah a ralai ding mi zarhpi ni ah Lyon khuapi ah Blessed tiin khaisan a si ding.

          Kum zabi 19 kum lai sung a rak nung tu amah cu Kohhran ih leitlun ih rian tuan nak ruahsannak thleng awk nak parah ngaihven nak ralthatnak thawn a khat tu mi menmen nunau asi thu, curuangah Bible thudik leiltun ah karh zai dingin thlacam nak le karuna hnatuan pawl tuan nak ah tel thei dingah amai zohthim tlak a um daan pawl cu mi pakhat ciar hnen ken sak dingah Pope in a dil.

Laudato Si zarh

          Pope in cui zarh cu "Laudato Si zarh" on puai a si thu man dingah a hmuh ih leilungpi ih tap aw thaten ngai in kan leilungpi kha hmunkhat ten kilkhawi dingah  a sim. Minung thansonak khaisang dingah a tuan rero tu hnen khal a lungawi thu a sim.

Khristian pawl kilkhawi tu Bawinu

          Netabikah Tuluk ram hrang ahleice in kilkhawi dingah ap mi Khristian pawl kilkhawi tu Bawinu puai kha thinlung ah ret in a hnok mi nunram pawl hman ah raltha zet in le phur zet in a tuan tu zumtu pawl le Pathian thusim tu saya pawl hrang nitin thal a cam sak thu, Tuluk ram Shanghai khuapi ih sheshan Bawinu lungdawl ah Bawinu kha hleice in rinsan dingah ngaihsak ding lawng siloin ram sung ih biakinn pawl le kohhran mi pawl ih inn pawl khal Bawinu hleice in a rinsan.

          Mi zaten hrang thuthangtha simnak ah Pathian riantuannak pawl tuah nak ah Nu Pawlpi ih zirh mi vekin nung thei dingah Nu Pawlpi thawn pehtlaihnak pawl zaten remdai ten tuah thei dingah keimah thawn hmunkhat ten thlacam dingah Pope in a sawm.

Italian Prolife tuahtuannak hnen lungawinak

          Mani ih tuah mi Italy mi Scegliamo La Vita (nundamnak hrilnak) caanserh ih tel tu pawl zaten hnen a lungawi thu, nunphung thangso dingah le dokham thein ak hrang pumpe ih a tuan tu pawl hnen khal a lungawi thu a sim ih a cem nak ah nunram timi cu Pathian hnen ihsin laksawng asi thu thei in minung nunnak a tha ih man ret tlak nak in theih thiam nak ihsin thangphok nak kha kaa cip in um men lo ding a si thu Pope in a cem nak ah a sim. Himi thuthang cu Vatican thuthang ihsin kan don mi a si.

https://bit.ly/3PFZJQG