Pope Francis in nikhua ih siatsuah a tuartu America le Canada ram hrang thlacam. (May 24, 2022)

Pope Francis in nikhua ih siatsuah a tuartu America le Canada ram hrang thlacam.

(May 24, 2022)

            Pope in tikcu sia ih siatsuah a tuar ih nunnak a cem tu Gaylord ih mipi pawl hrang a thin a nuam lo zet thu Diocese Bishop Jeffrey J.Walsh hnen kuat mi ca sungah a lang ter. Gaylord khuapi ih miphun 4200 hrawng umnak America ram, Michigan ramthen, Detroit ih nitlak nak lam ih khuapi pakhat a si. Siatsuah in a sung tu innsang pawl thawn a tuar ve thu a lang ter.

            Pope ih a cah mi thu ah nunnak a cem tu pawl hrangah, hriamhma a ngah tu pawl, mivai pawl le bomnak a tuah tu pawl hrang thla a cam sak thu, Pathian cu zate hrang thazang le thinlung ih remdaihnak ngah dingah thla a cam sak thu a sim. Kan dung tlawngkai ninga ihsin a hrang mi Tornado thlipi ruangah mi pahnih nunnak an liam ih, mi 40 luan hriamhma an ngah. Electric pawl khal a siat.

Canada ram ah thlipi a hrang

            A dang ca pakhat khal Pope in Canada ram ih Catholic Bishop pawl pawlkom ih President Bishop Raymond Poisson hnen a kuat. Canada ram thlanglam khal ah thlisia a hrang ih nunnak cem an um ih, siatsuah mi a tam. Ca sung ah Pope in thlisia ih hran a tuar mi pawl Pathian hnen hnemnak thluasuah ngah ding le dam rero nain nat a tuar tu pawl le a thi tu pawl ih thlarau Pathian zangfah nak ngah hman har seh tiin thla a cam sak thu a sim.

            Pope cu a ca kuat mi cu cui thlisia ih siatsuah tuarnak hmun ih unau Bishop pawl hnen pe in thluasuah dong dingah thlacam in thluasuah a pe ih, cui hmun ih thunei tu pawl khal siatsuah a tuar tu ram mi pawl ih tul mi pawl bawm bet vivo ding a duh thu a sim. Himi thuthang cu Vatican thuthang ihsin kan don mi a si.

   https://bit.ly/3sV6C7b