Rawl khawmtu ding milai tampi thlah dingah thlacam uh

Rawl khawmtu ding milai tampi thlah dingah thlacam uh

Jesuh In Mipi A Zaangfah

(Mt. 9: 35 – 10: 1, 5, 6-8)

³⁵Cuticun Jesuh cu khual a tlawng ih khawpi siseh, khawte siseh, a pal phah vivo. Sinakok ah thu a zirh, vancung Uknak Thuthang ṭha a sim ih natnak le dam lonak phunphun a neitu pawl a damter vivo.

³⁶Miseenpi pawl a hmuh tikah khaaltu nei lo tuu bangtuk in rethei le awloksong ih an um ruangah an parah zaangfahnak tampi a nei.

³⁷Curuangah a dungthluntu pawl hnen ah, “Rawl khawm ding tampi a um nain a khawmtu ding minung an malte a si.

³⁸Curuangah rawl lak ding neitu bawi hnen ah rawl khawmtu ding milai tampi thlah dingah thlacam uh,” tiah a ti.

¹Jesuh in a dungthluntu hleihnih kha hmun khatah a ko ih thlarau ṭha lo dawihlo theinak le natnak le dam lonak a phunphun damter theinak huham a pek.

⁵Hi hleihnih pawl cu Jesuh in a thlah ih ṭhatein thu a cah hai.

⁶Cuhnakin a hlomi tuu run Israel mi pawl hnenah nan feh pei.

⁷Feh uh la, ‘Vancung Uknak a nai zo,’ tiah va sim uh.

⁸Mina damter uh, mithi thoter sal uh, phaarnat a neimi pawl damter uhla khuavang pawl dawihlo uh. Man loin nan ngahmi kha man loin va pe uh.

Bawipa ih Thuthangtha asi.