Kutsihnak tuah tu ding nupa pawl thawn naiten um tlang ding tiin Pope Francis in sim. (June 15, 2022)

Kutsihnak tuah tu ding nupa pawl thawn naiten um tlang ding tiin Pope Francis in sim.

(June 15, 2022)

            Innsang nunram hrang biaknak lam zirhnak thuhla pawl zirh theinak tuah thok thei dingah Pope Francis in a ngan. Innsang thenawknak ruangah a cang mi natsia pawl pial thei dingah kutsih dingah a timtuah rero tu nupa asi dingmi pawl tha deuh in timtuah thei dingah Pawlpi in bom a tul thu khal a forhfial.

            Innsang le mi menmen nunram lam pawlkom ih hmun le ram Kohhran pawl hrang biaknak lam lamhmuh mi thar pawl a suah ih cumisung ah innsang nunram hrang biaknak lam tuah ding mi pawl tuah dingah lam a hmuh. Pope in cui ca hrang thucah a ngan nak ah 'himi cu na innsang nunram parah thuk zet in forhfial nak' The Amoris Laetitia Family Year tuahnak ih rah a aiawh thu a ngan.

A dik lo mi neihawk nak le sungank mal nak

            Himi ca cu kutsihnak zumnak parah din thei dingah hlanlai pipu pawl ih upa pawl hrang Baptism peknak thawn pehpar mi Pathian thuzir nak zohthimnak parah a hram bun in a hman mi lam a hmuh thu Pope in a sim. Pope ih a sim mi cu 'nupa tampi cu kutsihnak tuah hlan ah a lenglam timtuahnak lawng an ngah thu cui tha a mal mi timtuahnak cu neihawknak par ah harsatnak a thleng ter ih caan tawite ih thenawk nak le pial a theih lomi buainak pawl a cang asile ahmaisabik ihsin tuar thei nak um lo nak pawl a cang' tin a sim.

        Nu Pawlpi cu nulepa pawl thawn kop in a feh. Lehrul nak tuahnak ah thudik duhnak thinlung ih thangphok nak ruangah Kohhran sungah kutsihnak a hawl tu nu le pa pawl thawn Nu Pawlpi cu hmun khat ten feh ding tiin Pope Francis in a sim.  Nu pawl cu an fa le parah ziang tik hman ah thleidang in a pehtlaih dah lo vekin Nu Pawlpi khal a fa le pawl parah thleidang in a pehtlaih lo ding. Curuangah Kohhran sung a lut tu ding nunau, mipa pawl lawng siloin Puithiam cang dingah a zuam tu pawl vek kutsih tu ding pawl hrang khalah a famkim mi caan le thazang pawl suah in a tuah ding thu,

            Nu le pa pawl khal nunram a hoha tu pawl taktak an si thu, a san cu anmah pawl cu fa neihnak, tuamhlawmnak le fa le pawl thansonak ah hmunkhatten fehtlang nak pawl lawng siloin innsang sung ih kum upa pawl le taksa kim lo pawl hrang an nun an pe ih tu le tu titheih in mah thawn pehtlaih nak nei in mi farah thawn a um tu pawlkhal an kilkhawi ruangah a si thu,

Khual tlawnnak lam tluan hmunkhat ten fehnak

            Hmun le ram ih Kohhran pawl dinhmun in hmailamih nu le pa pawl hrang kutsihnak saramentu ih a dotdot ih tuah ding mi kut sihnak ih timtuah ding caan, caanserh tuah nak le kutsih hnu caan pawl hrang thuhla pawl a tel mi a hmanmi biak nak lam lam hmuh mipawl din thei dingah Pope Francis in a saduh thah a sim bet. Ka tumtahmicu kutsih pek te le nu le pawl nunram lam tluan ah a hleice in harsat caan pawl le beidong caan pawl ah amah thawn bom in fehtlang dingah asi tiin Pope in a sim.

Tuanvo le laksawng tha

            Himi ca cu tuanvo lawng siloin laksawng tha khal a si. A san cu hmun le ram ih Kohhran pawl dinhmun in mai hmun ih nunphung pawl thawn bun aw in a kaih ih a hnget milam hmuh mi program pawl suai dingah atul caan ah himi ca ih a tel mi thuhla pawl pek ruangah a si tiin Pope in a sim bet.

            A cem nak ah Pope Francis in Kohhran hotu pawl dinhmunin a tu tondingmi tuanvo thar cu raltha zet in tuan dingah a forhfial thu thu a cah nak ah a ngan. Hmailam innsang pawl rian thei dingah kan thinlung pawl le ruahnak pawl pe cio uh, Pa Pathian in in kilkhawi dingih a tul mi fimnak le thazang in pe ding tiin aamah a khan thu, kan phur nak khal a thang ter ding lanwng siloin lungawi za thu tha ih hnem nak kanngah dingih lungawi nak kan co ding. A san cu kanmah pawl cu santhar pawl hnen innsang lam Gospel thuthangtha kan than ruangah a si" tiin Pope Francis in a sim. Himi thuthang cu Vatican thuthang ihsin kan don mi a si.

https://bit.ly/3beMEyj