Mitha Samaritan vekin zoh uhla zaangfahnak nei uh tiah Pope in Angelus thlacamnak ah sim. (July 09, 2022)

Mitha Samaritan vekin zoh uhla zaangfahnak nei uh tiah Pope in

Angelus thlacamnak ah sim.

(July 09, 2022)

         Zarhpi ni, Angelus thlacam lai ah Pope Francis in mi zaangfah lainatnak le mi ttha Samaritan ih zohthimtlak mi thlun dingah zumnak thawn a rak sawm. Curuangah Bawi Jesuh ih in rak hmuh mi “a lamzin thluntu pawl’ si dingah zaangfah a rak dil.  Zarhpi sun, Angelus thlacam hlan ah Pope Francis in midang ralring dingah lainatnak nei dingah in zirh tu Bible sungih mitha Samaritan tahthimnak a rak ruat.

Lamzin thluntu pawl

         (Lk 10:25-37) sungah mitha Samaritan cu khual a rak tlawng. Cu tikah, Samaritan cu thinlung tha a nei ih hmun hla pi a si ko nan, nuar nei lo in lam tluan ih thilcang pawl tuah dingah a mah le mah a sut aw lo tiah a rak sim. Pope Francis in dungthluntu pawl ih tuah dingah Bawi Jesuh ih a zirh vekin Christian pawl in tuah ve dingah lam a rak hmuh. Hlapi zoh dingah, netabik saduhthahnak ih thleng dingah, hi tawk,  hi hmun ih thleng dingah tha ten kekar uh tiah a rak sim bet. Pope in Samaritan vekin Bawi Jesuih dungthluntu pawl in Bawi Jesuh thlunnak thawn lamzin thluntu ah kan cang. Kum reipi a si lo nan lamzin parih um ringring tu, minung pawl tong dingah, minaa pawl dam ter dingah le khua te le khuapi pawl ah a rak feh.

Gospel thuthangtha in lainatnak nei dingah in zirh

         Bawi Jesuih keneh zawhnak thawn Christian pawl cu khualtlawngtu pawl ah kan cang ih ‘thudik tha zet ih theithiam dingah le, hmuh cia mi pawl pahsuak thei dingah puithiam le levi pawl ih rak tuah vek in si loin zaangfahnak nei dingin zuam uh.“Gospel in hmu thiam dingin in zirh: kan mah pakhat ciar in thilcang dik tha ten theithiam dingah, ruahnak pawl le ruahdaan pawl nitin ten pahsuak dingah lam in hmuh. Cui hnu ah Bawi Jesuih dungthlunnak cun lainatnak kan neihnak dingah in zirh. Midang pawl a hleice in mi harsa pawl, a tul bik mi pawl ralring uh. Cule Samaritan vek in lailak ah um uh.

Duhhamnak pahsuaknak

         Pope Francis in duhhamnak ih luat dingah le kan sualnak pawl theih sal men hi a tawk lo; Bawi Jesuih lamzin thlun dingah zuam uhsi tiah a rak sawm.“Khualtlawnnak hi kan ton rero mi, a hleice in mi harsa pawl, a tul bik mi pawl naihniam in mai ti thei tawk ih tuah cio idngah Pathian zoh in zaangfah dingah in sawm.Thianghlim Maria in hi thansonak khualtlawnnak ah in fehpi. A mah cu ‘lamzin in hmuh dingah, Bawi Jesuh khal in a lamzin thluntu si dingah in bawm vivo hram seh’ tiah sim phah in Pope cu a thusim a rak cawl.

         Hi thuthang cu Vatican thuthang ih kan ngah mi a si.

https://bit.ly/3c4ZzDp