Kohhran sungah Kohhran thawn um ringring uh tiin Pope in forhfial. (June 28, 2022)

Kohhran sungah Kohhran thawn um ringring uh tiin Pope in forhfial. (June 28, 2022)

              Pope Francis cu biaknak lam pawkom pakhat asimi Jeocatechumenal pawlkom hnen Thiang thlarau Pathian cohlang dingah le Jesuh Khrih thu ngai dingah Kohhran sungah Kohhran thawn um dingah Vatican ah pawlkom sungtel 5500 thawn tonawk laiih a simnak a si. A bang aw lomi nunphung cu Kohhran hrang lennak phunkhat a si thu, Bawi Jesuh minung sinak a laknak cu nunphung zaten hrang hmuar a neih thu, Bawi Jesuh ih Gospel thuthangtha cu a bang aw lo mi nunphung le thilmankhung a can ter thu a sim.

              Pope cu cui pawlkom sungtel pawl hnen mai Diocese ih Bishop pawl thawn pehtlaih aw in tuah dingah ziangruangahtile anmah pawl cu Diocese ih Tuukhal tu pawl an si thu a sim. Himi pawkom sungtel pawl cu avei (10) nak letlun innsang thurelkhawmnak theh hlan nikhat a duh ah Pope thawn an tong aw. Himi tonawknak ah Pope in innsang 430 cu Gospel thuthangtha sim dingah leitlun ram a phunphun ah a kuat. Cui innsang pawl cu himi program sungtel pawl an si. Pathian rian tuan pawl ih Khristu khal siseh, thlah a si ding mi innsang pawl khal siseh, Pope in thluasuah a pe. Cui pawlkom sungah Ukraine ih innsang pawl khal an Bishop thawn an tel. Rome Diocese ih innsansg pawl khal an tel.

              Poep thawn tonawk laiah pawkom hotu asimi Kiko Arguello in Spain ram, Madrid Archdiocese dinhmunin a liam zo mi kum 2016 ih nunnak cem tu Carmen Hernandez kha Mithianghlim khaisang theinak a pakhat nak an tuah theh zo thu zate hnen a thei ter. Carmen Hernandez cu himi pawlkom dinnak khal ih tel tu a si. Mithianghlim khaisang nak hrang tuah dingmi cu nikum in an thok. Himi pawkom cu Spain ah 1964 ah a suak thu, Pope Paul VI ih thupek nak khal a ngah thu, ziangruangahtile Vatican ih aveihnihnak thurelkhawmnak pi ih lamhmuhnak ihsin a suak mi rahsuak tiin pom asi. Himi pawlkom dinhmun in innsang pawl Pawlpi ih zumnak langter tu pawl tiin langter in Kohhran din suak nak tha mal nak ram pawl ah a phuang ter theu. Himi thuthang cu Shalam world thuthang ihsin kan don mi a si.

Photo courtesy of : SW

https://bit.ly/3osSTlk