Ukraine President in Pope Francis ih thlacam saknak ruangah phone in lungawi thu sim. (August 12, 2022)

Ukraine President in Pope Francis ih thlacam saknak ruangah phone in lungawi thu sim.

(August 12, 2022)

            Pope Francis cu Ukraine President Volodymyr Zelensky thawn phone in an biak aw ih, rampi a tuar rero mi harsatnak hrang  thla a cam sak  ruangah lungawi thu a sim. Ukraine ih ral buainak a can hnu thla ruk August 12, tlawngkai ninga ah Pope Francis le Ukraine President Volodymyr Zelensky cu phone thawn biakawk nak an nei.

            An biak awknak cu Pope le Ukraine mi pawl lungrual nak a lang ter. President Zelensky cu a twitter ah thuthang a ngan. An pahnih in February 24 Russia ih an do nak ihsin Ukraine mi pawl ih an tuar zia thu an rel ih, President in Pope ih a thlacam sak nak ruangah a lungawi thu a sim.

            "Ukraine ramnawr tuarnak thu thawn pehpar in leilungpi thudik keng tu dingah kan mipi pawl in thlarau lam hotu pawl ih bom an tul" tiin President in a ngan. Cuihnu reiloteah  twitter ah a darh ih, The Holy see ih Ukraine Ambassador Andrill Yurash in phone ih an biakawk mi a sim bet ih, a sim bet mi cu "Ukraine ram le minung pawlkom cu Holy Father an tong ding ruangah an lungawi ding" tiin Pope Francis cu Kiev khuapi ah tlawng dingin an ruah san.

A dang an biak awk mi pawl

            Pope le President cu phone le video call thawn veihnih an bia aw zo. Italy parliament pawl thawn March 22 ah an bia aw ih President Zelensky in Pope thawn an biak awk mi pawl a sim ih Pope ih a rak sim mi a sim bet mi cu "a thupi zet mi tong" ti a si.

            Russia pawl ih an do hnu nihnih a rei February 26 ah phone thawn an bia aw. An biak awk lai ah Pope in President hnen ih a sim mi cu "an ram ih a cang mi riahsiat za parah nasa zet in a thin a nat" thu a sim. Cuihnu reilo te ah President Zelensky in "Ukraine ih remdaih nak le thudik hrang Pope ih thlacamnak  ruangah ka lungawi. Ukraine mipi pawl cu thlarau lam in bomnak an ngah tiin an ruat."

Pope ih zangfah dilnak

            Caan tampi thu el awk nak a thok ihsin Ukraine mi pawl an tlan rero tiin Pope in a ruat. August 10 ah a tu ih a mipi pawl hnen ah "tuitiang ralbuainak a tuar rero lai tu pawl" ruangah Pope a riah a siat tuk thu a sim. "A tu ih a vai rero tu pawl" a hleice ih a ruah thu a sim. Tui thla sung Pope ih zangfah dil mi cu Ukraine ih ralbuai nak hngilh lo dingah le rem daih nak hawl in a tlan tu pawl cohlannak  cawl lo dingin Pope in leilung pi hnen zangfah a dil. Himi thuthang cu Vatican thuthang ihsin kan don mi a si.

https://bit.ly/3SOUMa2