Cadinal thar pakhat thin lam dam lonak ruangah caanserh ah a tel thei lo thu Pope Francis in sim. (August 27, 2022)

Cadinal thar pakhat thin lam dam lonak ruangah caanserh ah a tel thei lo thu Pope Francis in sim. (August 27, 2022)

             Pope in Aug 27 ni ih a thu sim cemnak ah hril thar mi Cardinal pakhat cu caanserhah a  tel thei lo thu a sim. Wa (Ghana) ih Richard Kuuia Baawobr cu caanserh ah a tel thei lo. Pope in Baawobr a dam lo thu a sim fiang hnuah thlacam sak dingkhal in zaangfah a rak dil bet. Holy Father in Cardinal Baawohr siizungah a um. Curuangah caanserh ih a tel thei lo nak a si tiah a sim. Baawobr cu mizan lam Rome a thlen in a lung lam dam lonak ruangah siizung pi ah tuamhlawm a si ih operation an tuah dingah zum a um tiah caanserh ih a thuthangtha sim theh hnuah a sim bet. Hi mi kan unau pai hrangah thla kan cam sak cio pei.

            Hi tawk caanserhih um ding a si nan siizungah tuamhlawm a si tiah Pope in sim. Symposium of Episcopal Conference of Africa and Madagascar (SECAM) ih president ah July ni 30 ah  hril a si ih a mah cu kum 63 a si.  Baawobr cu zaangfah lainatnak hnatuan tam zet a rak tuantu a si. Africa ram ih sin Cardinal a thar hril mi 2 sungin Baawobr cu pakhat a si ih a dang pakhat cu Cardinal Peter Okpaleke a si. Nigeria ih Ekwulolia Diocese in a si. A dang Cardinal pakhat cu Peter turkson a siih a tu ah cun Pontifical cademy of Social Sciences le Pontifical Academy of Science ah chancellor din hmun in rian a tuan tu a si.

           July 28 ni, ACI Africa thawn interview an tuahnak pakhat ah Baawobr in Cardinal din hmun ih a mai hnatuannak a ruahsal mi cu pope thawn a hna thiang tuan tlang dingah le kan thu kam mi thar thawh dingah caan tha pakhat a si tiah a rak sim. Pehbet in a sim mi cu hi mi Pathian riantuannak ah kan mah lawng kan si lo ti mi nasa zet ih dilnak pakhat a si tiah sim. Pope in a mah thawn tuan tlang dingah le hlawm tlang dingah in sawmnak a si tiah a sim bet.

https://bit.ly/3ATza5i