Ralbuainak remdaihnak hrang ram tinkim in thinkhat lungkhat ten leh rul dingah Pope Francis in sawm(Aug, 16, RR)

Ralbuainak remdaihnak hrang ram tinkim in thinkhat lungkhat ten leh rul dingah Pope Francis in sawm(Aug, 16, RR)

          Pope Francis in St. Peter tualrawn ah Angelus thlacamnak an cam theh hnu ah Somalia ih um mi milai khat le khat zawnruahnak thawn pehpar mi harsatnak ruat in a rak sim. Ruahsur lo nak ruahah minung 750,000 luan mi pawl in ramsung an um nak ihsin an rak tlan thu, “Cui hmun ih um mi mipi pawl cu a fiang lo mi dinhmun ah an rak um ih tui can ah cun rauh a sur lo ruangah nunnak hrang tihnunnak thawn an tongaw. Ram tinkim in lungrual ten hi a thupi zet mi dinhmun tha ten lehrul dingah ruahsannak ka nei. Vansiatnak ah ralbuainak in sunsaknak le kiangkap pawl a palh ter. Tu ahcun ngaingai ah minung pawl ih rilrawnnak pawl, harhdamnak le fimthiamnak pawl lawng thupit in tuah a tul” tiin Pope in a rak sim.

          Somalia ram cu thuanthu sungtel mi kum(2) rei ruahsur lo nak an tong rero ih harsatnak thawn tong aw rero mi mipum cu taan 5-7 tiang a tam vivo men thei. Nikhua si daan khel a si (punghman) lo  thawn Ukraine ralbuainak ruangah ei in man a kai nak din hmun a besia deuhdeuh. Ralbuainak ruang ih tuar rero tu Ukraine mipi pawl khal Pope Francis in mang ringring. Nunnak liam mi Ukraine mipi pawl hrangah hleice ih zaangfah nak khal Pathian hnenah zaangfah an dil.

          Ukraine President Volodymyr Zelenskyy in kan dung rei lo te ah twitter ihsin Pope Francis thawn an rak biakawk thu, an nemhnget hnu ah Pope Francis ih thlacamnak cu ralbuainak a thok ihsin veili nak a call lawng ah Pope Francis in a hla lem lo mi hmailam caan ah Ukraine ram fehtunnak khal a rak lang ter tiah a sim.

https://bit.ly/3wnBRJY