Pope Francis in thawng za leng lo mi France ram ih pulpit parih Puithiam bawmtu mino pawl hnen hnihsuah sai. (August 26, 2022)

Pope Francis in thawng za leng lo mi France ram ih pulpit parih Puithiam bawmtu mino pawl hnen hnihsuah sai.

(August 26, 2022)

          Pope Paul VI hallkhaan ah Pope Francis in France ram ihsinkhawmzawhtu pawl sungin mino 250,00 a rak tong ih pulpit ih Puithiam bawmtu mino pawl hmai ah zumnak teette khaantu pawl ah a rak ko. Pope Francis in cui Puithiam bawmtu mino pawl hnenah “nan nih cu Pawlpi hnatuan nan rak hril ih, nan thasuahnak pawl, veikhat veihnih ah nan tuarnak pawl le nan mah leh nan mah Puithiam bawmtu ah apaw dingih nan rak cohlan awk ruangah nan parah ka lunhgawi. Nan rualpi hrekkhat pawl Zarhpi zing ah lek duh; it an duh lai ah nan nih cu pulpit hmai ah nan thleng” tiin khal sunloihnak tongkam a rak sim.

          “Nangmah lawng na si hmanah lole na upat tiang pulpit hmai i hap awk ding ningzak hlah. Bawi Jesuh in Missa Sumnak sungah a mah le mah a apawk rero lai ah a mah riannak cu sunloih tlak a si” tiin khal a rak sim bet. Online parih rualpi deu pawl hnak in hi leitlun ah a taktak ah hmu in kom theih mi rualpi dik thawn kom aw in an sungkua pawl thawn nel aw ten pehtlaih theih mi rualpi pawl lawng kom dingah Pope Francis in tha a rak pek. France ram ih Parish (51) sungih thleng mi khawmzawhtu mino pawl cu inn an tlun hlan ah Rome khuapi ih um mi langsar mi hmun hrekkhat ah an rak feh.

          Hi thuthang cu Rome Reports thuthang ih kan ngah mi a si.

https://bit.ly/3x2sgII