2022, September thla Pope ih thlacam mi tumtahnak cu “sualman thi dingih lairelnak” bal dingah a si. (Aug 31, 2022)

2022, September thla Pope ih thlacam mi tumtahnak cu “sualman thi dingih lairelnak” bal dingah a si. (Aug 31, 2022)

          Leitlunhuap ah nitin in thi dingih lairelnak a um lem nawn lo. Cu mi cu Pawlpi hrangah ruahsannak pakhat a si. Nemhnget mi lam ih zoh le thih ding tiang cawhkuan pek a tul lo. Milai pawlkom ih thilsual tuahnak pawl a kilhim thei. Sualnak tuahtu mah le mah run aw thei mi caan tha kham a tul lo. Thuthennak tinkim in cat bang loin ruahsannak saangkaa on thei sak a tul. Thihnak tiang lairelnak cu thupek tuartu hrangah a dik lo. Cu ai ah lehrul ding tha a pek sawn. Dik lo ih thihnak cawhkuan pek ngah pang khal le rem a ngah nawn lo.

          Cule thihnak cawhkuan peknak cu mai cin le daan in khal cohlan a theih lo. Nunram ih a thupibik mi laksawng cu thi dingih cawhkuan peknak in a siatsuah. Netabik caan tiang mi pakhat a thleng aw thei ti hngilh hlah uh si. Bible Cathianghlim khal in thi dingih cawhkuan pek a cohlang thei lo. “Mi nunnak na that lo pei” ti mi thukham cu sualnak neitu le sualnak nei lo tu pahnih hrangah a si. Curuangah kei mah dinhmun in thinlug tha a nei tu tinkim in leitlunhuap pi in thi dingih cawhkuan peknak lungrual ten bal dingah ka lo sawm.

          Ram tinkim in milai sinak siatsuah ter mi thi dingih cawhkuan peknak nemhnget ih bal cio dingah thlacam cio uh si.

https://bit.ly/3ewLVu2