Mithianghlim John (Dungthlun tu) Puai ni ih Thuthangtha

Mithianghlim John (Dungthlun tu) Puai ni

Johan 20: 2-8

²Simon Piter le Jesuh ih a duhdawtmi dungthluntu hnenah a va tlan ih, “Thlaan ihsin Bawipa an thiar hlo zo; khuitawkih an ret ti kan thei lo!” tiah a sim.

³Cun Piter le a dang dungthluntu cu an pok ih thlaan ah an va feh.

⁴An pahnih in an tlan ih a dang dungthluntu cu Piter hnakin tlan a cak deuh ruangah hmaisa deuh ah thlaan ah a thleng.

⁵Thlaan sung cu a vun bih ih ruak tuamnak puan nemte cu a hmu, a sinain a vung lut lo.

⁶A dungin Simon Piter cu a ra thleng ih thlaan sung ahcun a vung lut mai. Ruak tuamnak puan nemte le,

⁷Jesuh ih lu ṭemnak puan kha a hmu. Asinain a lu ṭemnak puan cu ruak tuamnak puan nemte umnak ah a um lo; amah dangte in zual aw in a um.

⁸Cule dungthluntu dang, thlaan a thlengtu hmaisa deuhtu pa khal cu thlaan sungah cun a lut ve ih a hmu ih a zum.