Pope Francis cu a ralai dingmi November thla ah Bahrain ramah Tuukhal khualtlawnnak a nei ding. (September 29, 2022)

Pope Francis cu a ralai dingmi November thla ah Bahrain ramah Tuukhal khualtlawnnak a nei ding.

(September 29, 2022)

            Pope Francis cu Persian tipi kulh ram asimi Bahraine ah November 3-6, 2022 ah Tuukhal khualtlawnnak a nei ding tiin tlawngkai nithum ah Vatican zungin an than. Pope Francis dinhmun in Bahrain ram ih rampi le biaknak lam thuneitu pawl ih sawmnak an cohlang thu, himi khualtlawnnak ah Pope cu “Bahrain Forum for Dialogue: East and West for Human Coexistence” “nisuah nak le nitlaknak rami pawl thawn hmunkhat ten umnak hrang Bahrain ah thu relkhawmnak ah tel in Manama le Awali khuapi pawl ah a feh ding ih khualtlawnnak thuhla cipciar cu reilote ah an than ding.

            Pope Francis ih a tu a khualtlawnnak ding cu Catholic Pawlpi ih a sangbik rian a tuan tu in Bahrain ram ih a hmaisabik tlawnnak a si ding.

            Pope Francis le Bahraine siangpahrang Hamad bin Isa Al Khalifa tei cu 2014 ah an rak tong aw dah. Ziangruangahtile 2014 May 19 ah Bahraine siangpahrang Hamd bin Isa Al Khalifa cu Vatican ah a feh ih Pope Francis thawn an rak tong aw. Bahrain siangpahrang cu tubaiteah Vatican secretary Pietro Parolin thawn khal siseh, a hlan ih Vatican ramtin pehtlaih awk nak zung ah secretary asi dah mi Archbishop Dominique Mamberti thawn khal an tong aw dah.

            Vatican zung ih an suahnak vekin Pope Francis le Bahrain siangpahrang tei cu mi tampi thatnak pawl thawn pehpar mi thuhla tampi an ruah thu, ahleice in nisuahnak laifang nak ih remdiahnak thawn cui remdiahnak kilkhawinak, tongaw ih thureltlangnak le nunphung pawlkom phunphun hmunkhat ten remdai ten umnak cuvek thu pawl an si thu, cuihleiah siangpahrang dinhmun in rampi parah Khristian pawl ih tuan khawm nak ahleice in Catholic Pawlpi ih tuan khawnak khal a tel thu a sim. Himi thuthang cu RVA thuthang ihsin kan don mi a si.

https://bit.ly/3yoMddB