Pope Francis in Pope zungih innsang, nunram le mi menmen pawl thawn pehpar mi zungah  a hmaisabik mi menmen secretary ret. November 21, 2022

Pope Francis in Pope zungih innsang, nunram le mi menmen pawl thawn pehpar mi zungah  a hmaisabik mi menmen secretary ret.

November 21, 2022

            Pope Francis in November 17 ah innsang, nunram le mi menmen pawl zungah secretary thar tiin Gleison De Paulo Souza a hril. Kum 38 asimi Souza cu innsang, nunram lam zungih secretary tiin Pope ih hril mi a hmaisabik mi menmen a si.

            Sauza cu kum 51 asimi Brazil Puithiam Fr.AlexandreAwi Mello ih dinhmun a sawngnak a si. Ziangruangahtile Fr.Mello cu August 21 ah Seculas Institute of the Schonstatt Fathers ih superior general dinhmun in hril a siruangah a si. Fr. Mello cu 2017 laiihsin hi mi Dicastery ah secretary tiin rian a raktuan.

            Dicastery hotu cu Irish ih suak mi America Cardinal Kevin Farrell a si. Souza cu Italy ram Puglia ih Galatina tlawngih Antonio Viallone Science le Linguistics ih tlawng saya a si. Rome ram Salesian Pontifical phunsangtlawng ihsin theology bachelor degree le lecceih Salento phunsang tlawngihsin Philosophical sciences master degree pawl a ngah.

            Souza cu 1984, May 14 ah thlanglam Brazil Minas Gerais ah a raksuak. 2005 ihsin 2016 tiang, Fr. LuigiOrione (1872-1940) Italy Puithiam ihsin the Sons of Divien Providence pawlkom (Orionine Fathers) sungtel khal a si. Amah cu innsang nei mi asiih fanu pahnihih Pa khal a si. Himithuthang cu RVA thuthangih sin kan don mi a si.

           https://bit.ly/3AvJjEP