Pope Francis in Java ih linghnin tuartu pawl thawn naiten a um thu langter.

Pope Francis in Java ih linghnin tuartu pawl thawn naiten a um thu langter.

          Tlawngkai nithum, mipi pawl thawn tonawknak a cemnak lam ah Pope Francis in nunnak le hlawnthil tampi sung mi Java ih linghnin tuartu pawl hnenah an mah thawn naite ih a um thu a rak langsar ter. “Naihniam ten ka umnak cu cui mipum le a thi tu pawl le hriamhma a tuar tu pawl hrangah thlaza ka cam” tiah Pope in a rak sim.The National Disaster Management Agency (BNPB) ih tarlang mi vek a si le Cianjur khuapi ih linghnin ruangah Nov 23, tlawngkai nithum ah mipi 271 an thi ih, mipum 40 an hlo ih, mipum 2043 in hriamhma an tuar ti a si.

          Linghnin ruangah mi tampi cu inn cim sungah an rak thi.Tha 5.6 um mi linghnin cu tlawngkai nikhat ah Java nitlaknak ih Cianjur khuapi ah kilometer (10), peng (6) a hlatnak hmun ah a rak cang. Cianjur khuapi ah khualipi dinhmun in mipi 175,000 hrawng an um. Cui hmun ah mipum taan 2.5 luan an um. Indonesia Catholic pawlkom in Caritas Indonesia le Bogor ih Caristas Diocese, Bandung ih Caritas Diocese le Daya Dharma ih Jakarta Archdiocese (LDD) tel in ramhuap thawn pehpar in a thupi zet mi dinhmun ah zamrang thei bik in a rak let sal.

          Parish sungih umtu volunteer pawl ih bomnak thawn cui hmun ih Parish pawl ih Station pawl in rawlsuannak le harhdamnak hrang an rak tawlrel sak. Hi thuthang cu RVA thuthang ih kan ngah mi a si.

https://bit.ly/3EtSN4y