Christmas tikcu caan hrang Pope ih biakthawinak caanserh  hman ding daan pawl.

Christmas tikcu caan hrang Pope ih biakthawinak caanserh  hman ding daan pawl.

Dec 01, 2022

          Pope zungpi in Christmas tikcu caan hrangah Pope thawn pehpar mi biakthawinak lam puai pawl ih calendar a rak suah. Puai pawl cu Christmas hmuahni, Dec 24, zaanlam nazi 7:30 pm ah Pope ih St. Peter tualrawn ih a tuah mi Missa sumnak thawn a thok ding.

Urbi et Orbi (thlasuah peknak)

          Christmas ni, Dec 25 ah Pope Francis in sun nazi 12:00, St. Peter tualrawn ih the Central Loggia ihsin Urbi et Orbi thluasuah a pe ding. Dec 31 ah Pope in First Vespers le Te Deum ah zaanlam 5:00 pm, St. Peter tualrawn ah a liam zo mi kum hrang lungawi thusimnak a tuah ding.

January puai pi ni pawl

          Cu vekin, Jan 1, 2023 ah Pope Francis in zing nazi 10:00 am, Vatican Basilica ah Bawinu Maria, Pathian ih Nu a sinak sunloih ni ah Mass raithawinak a tuah ding. Cu vekin Jan 6, zinglam 10:00 am, St. Peter tualrawn ah Mifim pathum puaipini ah Mass raithawinak a tuah ding. Netabik ah, Jan 8, zinglam 9:30 am, the Sistine Chapel ah Bawi Jesuh Baptism a laknak puai ni ah Mass raithawinak a tuah ding. Cui Missa Sumnak ah nauhak hrekkhat Baptism a pe ding. Hi thuthang cu Vatican thuthang ih kan ngah mi a si.

https://bit.ly/3OWr6pH