Pope ih December thla sung thlacam tumtah mi.

Pope ih December thla sung thlacam tumtah mi.

          Pope Francis in December thla sung a thlacamnak ih tumtahnak a rak suah ih volunteer pawlkom pawl rin um dingah le hna a tuan tu pawl ‘zaangfah lainatnak’ thawn tuan cio dingah zaangfah a rak dil.Tui kum netabik Pope ih Video sungah Pope Francis in volunteer pawlkom pawl le cu tawk ih hnatuantu zaten thlacam dingih rin um dingah zaangfah a rak dil. Pope in milai sinak le mipi thatnak khaisan sak tu volunteer pawlkom pawl le volunteer pawl hnenah ‘minung pawl hrang lawngah si loin an mah thawn naihniam ten um in an tulsam mi ngai saknak thawn tuan dingah a rak forhfial.

          Cu mi ti duhsan cu kan kut, kan mit, kan hna le kan naihniamnak thawn zaangfahlainatnak nun nei dingah a si. Cui hlei ah Pope in hi pawlkom pawl le volunteer pawl in mipi thatnak hrang ap aw tu ding pawl hawl hmu dingah le ramhuap thawn pehpar in tidaan thar hawl suak ding hrangah thla cam dingin a rak sawm.

Volunteer pawl cu Gospel thuthangtha phuangtu an si tiah Pope in sim

          December thla Pope ih volunteer pawl ih siar cawk lo an hnatuan pawl le langhngan mi lole mithmuh lo ih tuan theu tu leitlun killi ih pawlkom pawl ih hnatuan a langsar ter. The United Nations Volunteer program (UNV) ih tarlang mi vek a si le leilungtlun ah volunteer zaten taan 862.4 lak ah minung 9 tinkim ah 1 cu volunteer a si. Leilungpi sungih ram tampi ah volunteer pawlkom pawl cu an hnatuan thawn Pathian thuthangtha teettee khaan dingah Christian pawl ih man hlat zia hram bun in an tuan.  Pope ih video in kiangkap siatsuahnak pawl, sumdawnnak harsatnak pawl le rilrawnnak tel in harsatnak phunphun tuar tu pawl tumtah in hi pawlkom pawl a langsar ter. Midang pawl bawmtu volunteer sinak cu zalen dingih in tuah tu hrilnak pakhat a si. Thudik dilnak, farah harsa pawl humhimnak, sersiamnak kilhimnak, midang pawl ih tul sam mi pawl in on sak.

Lungrualnak le tuantlangnak ih thupit zia

          Video sungah Pope Francis in naihniamnak, lungrualnak, thu ngai sak awknak le mah leh mah apawknak tel in volunteer pawlkom pawl hlawm a tul tiih a zum mi pawl a rak hlawm. Pope in volunteer pawlkom pawl le ramkhel lak tuantlangnak ih thupitnak khal thupit in a rak sim ih tuantlangnak thawngin an mah in a tha bik in an tuah ih ruahsannak ih mangbangza pawl a taktak ah a can ter tiah a rak sim. The Pope’s Worldwide Prayer Network ih International Director, Fr. Frederic Fornos, S.J in hi thlacamnak ih tumtahnak in pawlkom rhang volunteer ih hnatuannak ih thupit zia a cannak Pope ih tumtahnak a lang ter tiah a rak sim.

          Volunteer tuannak ah May, 2022 ih Pope ih tumtahnak vek a si le Bawi Jesuh in kan mah le kan mah kan duhdawtawk vekin innhnen duhdawt dingih in rak sawm ekin Pathian ih duhdawtnak le innhnen duhdawtnak ah Pathian le minung an tel ti mi Christian ih hmuihmel cu volunteer in a rak tel. Kan pawlkom ih harsat caan pawl ah Pope in volunteer pawl kan tul: “Leilungpi in volunteer pawl a tul” tiah a rak telh.

          Hi thuthang cu Vatican thuthang ih kan ngah mi a si.

https://bit.ly/3OZanSE