Pope in Ukraine mipi pawl thawn kan thinlung ten Christmas hmang tlang uhsi tiah sim.

Pope in Ukraine mipi pawl thawn kan thinlung ten Christmas hmang tlang uhsi tiah sim.

          Pope Francis in mitin cu “Ukraine mipi pawl thawn naihniam ten um dingah le harsatnak tong rero mi kan unau pawl hrangah thlacam bet dingah zaangfah a rak dil. Pope in a thucah mi cu tlawngkai nithum, mipi pawl thawn tonawknak ih netabik thluasuah a pek hlan te ah a rak sim. Ukraine mipi pawl ih ton rero mi harsatnak mangsalnak thawn a hleice in Christmas puaipi ni a nai deuhdeuh thlang ih thlarau lam timtuahnak kan thinlung sungah kan neih a tul tiah Pope in thuk zet in a rak sim.

Tangdor mi Christmas.

          “Tangdor deuh mi Christmas” cu tuah in laksawng thlengawknak le raibur, dam lonak, siibawi le siivai tuamhlawmnak um lo nak le rilrawngnak pawl ruangah bawmnak a tul tu Ukraine mipi pawl bawmnak ih an khawl mi pawl kuat dingah ruahnak a rak pek.“Christmas puaipi ni hngilh hlah uh; A si…Bawi Jesuh thawn remdaihnak ah! A si…..Asinan, kan thinlung ten Ukraine mipi pawl thawn! Cu le an hrangah a langsar mi bawmnak pek cio uhsi.

Zaangfahlainatnak thawn Ukraine hnenih naihniamnak

          Mipi pawl thawn tonawk hlan, Poland khawmzawhtu pawl hnenih a sim mi ah Pope Francis in “Family to Family” tiih kawh mi cui hmuh ih Caritas ih rak tel mi Poland mipi pawl hnenah lungawi thu a rak sim. Tui kum ih finkhawmnak ah Ukraine mipi pawl hnenah khal a feh dingih a tul sam mi pawl thawn hlawmawknak ah zuam dingin a rak forhfial.

          Hi thuthang cu RVA thuthang ih kan ngah mi a si.

https://bit.ly/3Fy0C9J