Pope Francis in Argentina bawlung lek thiam milar Messi le Moradona pawl tong

Pope Francis in Argentina bawlung lek thiam milar Messi le Moradona pawl tong

December 20, 2022

          World cup ah Argentina ih an neh nak thus uh tlak a si. Cui thu suhnak cu Pope Francis in bawlung leh a zoh ve maw ti a si. Pope Francis in a liamzo mi kum 30 hrawng ihsin thokin tv zoh nawn lo dingah Carmel Bawinu hnen a hlan tiin a rak sim dah. Asinan a suahsemnak ram ih bawlung milar pawl asimi Lionel Messi le Diego Moradona pawl thawn pehtlaih awk nak an nei.

          2013 ah Pope Francis cu Itlay le Argentina ram hnih ihsin thiam hleice hril mi club le Clementine  tiih kawh mi Pope ih mi leng khan ah an tong aw ih anmah dinhmun in ziangtluk in an lar asi hman ah mipi pawl theih sak dingah bawlung lek tu pawl hnen a sim.

          Ziangruangah hiti in a sim tile mipi pawl cu lek tu pawl lek nak hmun lawngah tha an pek asilo. An lek nak hmun lo a leng an nunram khal an zoh. Leknak hmun ih nan um lai ah lek nak ih mawi nak lungawi  nak pawl an hmu ding. Asinan himi pawl a hlo asile a neh tu an um ding nan leknak cu a si nak a hlo tiin ti asi ding tiin a sim.

          Cutiih an tongawk nak ah Argentina bawlung club ih hotu asimi Messi le Italy kawlkil tu Luigi Buffon tei in Pope hnen olive thingkung te le Argentina bawlung kor pakhat khal laksawng an pe. Pope thawn an ton awk nak par ah thuthang la tu pawl ih thusuh mi cu a tawi nan a that zet thu an sim. Cutiih an ton awk hnu kumhnih a rei ah Argentina bawlung lek thiam Diego Moradona thawn khal an tong aw sal.

          Nauhak pawl rilrawng ih an um thu pawl khal a sim. Bawlung lek thiam pawl dinhmun in leipar ih rilrawng nauhak pawl hrang hmun khat ten thil pakhat khat tuah a tul thu, Pope Francis thawn an biak awk nak thu pawl ah Pope Francis thawn an thu ruah a bang awk thu curuangah amah cu Pope Francis ih fan a si thu, Pope ih fan diktak a si thu khal bawlung lek thiam in a sim.

          Pope Francis dinhmun in Argentina cu a suahnak asiih tha a pe ding nan Pope hnatuan a tuan thok ihsin “bawlung hnakin thupi tuah ding a nei” tiin asim vek in lek nak a sup ih a thupi mi rian a tuan. Bawi Jesuh cu kanmah pawl world cup hnakih a tum mi thil in pe. Himi thuthang cu Rome Reports thuthang ihsin kan don mi a si.

https://bit.ly/3YGE3sw