Pope Benedict XVI ih netabik tongkam

Pope Benedict XVI ih netabik tongkam

Dec 31, 2022.

          “Aw Bawipa, ka lo duh” ‘Signote ti amo!’

Lord, I love you.

          Pope Benedict a thih tikah hmaisabik a thleng tu cu Pope Francis a si. Jan 01, zaanlam ah Pope Benedict ih netabik tongkam thawn pehpar in hmaisa lam ih thuthang tarlang mi pawl parah malte thlengawknak tuah in Vatican thuthang zung in a rak nemhnget sal.  Dec 31, zing 3:00 am ah Pope Benedict XVI a thih hlan, nazi 6 hrawng ah netabik a rak sim mi a si thu Archbishop George Ganswein in a rak sim sal tiin thuthang latu Andrea Tornielli in a rak sim.

          Netabik a thih hlan te ah natnak a tuar caan ih a tuamhlawm tu pawl a caan can in tuanvo la in Pope Benedict an rak tuamhlawm German tong thiam lo mi nurse pakhat ih a kil caan ah “Pope Benedict XVI cu a aw dim ko nan a tlaitluang mi aw thawn ‘Signore ti amo!’ Aw Bawipa, ka lo duh tiin Italy tong in a rak sim tiin nurse in I sim sal. Cui caan ah kei ka um lo. Cui tong lawng fiang ten a tong hnu ah tha ten a tong thei nawn lo tiah a rak sim.

          Hmaisa thuthang pawl ih tarlang vek a si le “Jesus, ich liebe dich” (Jesus, I love you) Bawipa, ka lo duh” tiin Pope Benedict XVI in German tong thawn a sim mi Vatican zungih thuthang latu Elisabetta Pique of La Nacion in 2022, Dec 31 ah a rak tarlang. 2013, February thla, Pope Benedict XVI a colh caan ihsin a umnak Mater Ecclesiae monastery ih um tu pawl hnenah Pope Francis in thazaang peknak tongkam a rak sim. Cui hmun ih tuanvo neitu siibawi 2, le nurse 2 khal cibai a rak buuk ih Pope Benedict XVI nitinten rak kilkhawi tu mi menmen nunau 4 le German Pope ih secretary, Sr. Brigit Eansing hnenah khal a rak sim.

          La Nacion thuthang vek a si le Pope Francis in Pope Benedict XVI ih thihnak thu cu mipi theih ih than dingah a duh ih Bishop Ganswein in Vatican thuthang ih Matteo Bruni hnenah Pope Benedict XVI ih thihnak thu cu leitlunhuap theih ih than dingah a rak cah. Dec 28 ah Pope Francis in a dam lo mi Pope Benedict hnenah feh in a mah rori in a va tong.

          A thih hnu ah St. Peter Basilica Biakinn sungih tuah mi lungawinak zantim Missa Sumnak sungah Pope Francis in “thinnuam lo ten” ‘duhdawt zet mi  Pope Benedict XVI’ thuhla cu Pathian thuthangtha a simnak ah a rak sim. A thi zo mi German miphun Pope cu ‘tangdor mi, lainatnak neitu’ a si thu Pope Francis in a sim ih sunloihnak tong a rak sim ih an rak tuah mi thil zate hrangah zumnak le thlacamnak thawngin apawknak parah lungawi thu a rak sim.

Ruakvuinak caanserh

          Pope Benedict in a mai ruak cu St. Peter Basilica Biakinn ih a dot ah thawn in ruakvuinak an tuah hlan ah Pope John Paul II an rak buinak hmuh ih a ruak vuisak dingah Pope Benedict XVI in a rak dil. Pope Benedict interview tuah mi an rak suah mi Pope Benedict ih ca uk The Last Testament – Netabik thurocah mi reltlangnak ah hi vekin a rak tarlang.

          Interview tuah tu Seewald in “Cooperators Veritatis” (Cooperators of the Truth) thudik ah tuan tlangnak ti mi Pope Benedict XVI ih motto a si zo zo hnu cun ka thlaan parah hi mi lawng ngan a tul tiin ka sim a tul” tiah a rak sim.

Hi thuthang cu Aleteia thuthang ih kan ngah mi a si.

https://bit.ly/3WCykSW