Pope in Nigeria ih Puithiam le Ukraine ih harsat tuar pawl hrang thla cam sak dingin sawm.

Pope in Nigeria ih Puithiam le Ukraine ih harsat tuar pawl hrang thla cam sak dingin sawm.

          Pope in kan dung zarhpi ni ih thah tuar tu Nigeria Puithiam ih thlarau hrang thlacam sak dingah le Ukraine ih harsat tuar pawl mang in thlacam sak dingin mi hmuahhmuah a sawm. Tlawngkai nithum mipi pawl thawn tonawk nakah Christian tampi hmuhsuam tuar pawl hrang thlacam sak dingah a sawm. Kan dung zarhpi ni ih thattuar tu Nigeria ram saklam Minna Dioces ih Fr.Isaac Achi ih thu khal a sim bet. Damiah pawl cun Fr. Achi le Paikoro peng kafin koro St.Peter le St. Paul Biakinn ih Parish Puithiam bawm tu Fr. Colliins Omeh pawl that an tum bik mi a si.

          An hmun theih asi lo mi tuahmawh tu pawl cu  Fr.Achi umnak an ur ih Fr.Achi khal a nungcungin ur a tuar ih Fr. Omeh cu an kap ngah ih hliamhma ngah in a luat.

Ukraine pawl hrang hnemnak le remdaihnak

          Pope in siatsuah asi rero mi Ukraine pawl hrang khawmzawh zate hnen ah anmah pawl hrang thlacam sak in anmah thawn naite umnak, hnemnak le remdiahnak an tul tiin a sim. Netabik ih hriamhrei thawn tuahmawh a tuar tu kan dung zarhpi ni ih thah le hriam a tuar tu mipi pawl anmah lak ah nauhak pawl khal an innsung pawl hnen a thinnat nak a lang ter.

          Thuthang ih an simnak vekin zarhte  ni ah Ukraine khuapi Dnipro innpi cu Russia pawl in an do ih mi 45 an thi ih 79 hliam an tuar ih mi 19 an hlo lai tiin an sim. Himi thuthang cu Vatican thuthang ihsin kan don mi a si.

https://bit.ly/3ZJGOJT