Pope in Christian zate hnenah ziang siarlonak le tisiatnak dodal dingah forh.

Pope in Christian zate hnenah ziang siarlonak le tisiatnak dodal dingah forh.

          Pope Francis in Christian zate hnenah ziang siar lonak le tisiatnak dodal dingah a rak forhfial. Jan 25 ah, Christian lungrualnak hrang thlacamnak zarh a cemnakah a rak sim. Pope in, “kan mah le kan mah a hnen um mi pawl, Vancungram ih duhnak hnakin leitlun ih thuthennak pawl kan thlun tikah, lenglam thilri pawl kan duh tikah in sunsak tu pawl ziang siar lo ih kan um tikah Pathian in a tuar,” tiah a rak sim.

          Pope Francis in tuahmawhnak ziang ih kan siar lonak hi ‘tisiatnak’ a si ih Pathian dodal mi a nasa zet mi tumtahnak in Pathian a riahsiat ter tiah hngetkhoh zet in a rak sim. “Christian ka si ti aw nacing in ralbuainak pawl le tuahmawhnak pawl a tuah tu pawl hmuh a theih” tiah Pope Francis in a rak sim. Pope in “thlarau lam le Theology lam kan thansonak thawn ralbuainak le dik lonak dodal dingah phunzai a ngah lo,” tiah a rak sim.

          Mi hrekkhat in tha in pek tiah an ruat thei lole a fiak mi an zumnak cohlang dingih an onnak le a nasa zet mi ramkhel lam, mitcaw vekih miphun tantu le namthlaknak le a bangaw lo mi hremnak pawl khal theihternak a rak nei. Zumnak cu “hi ruahnak lam thawn hmaiton tikah thleidan thiam mi theihnak neih a tul, Lu tun tinten lehrul cih a tul” tiah Pope in a rak sim bet.

          Pope in natnak hawl theh hnuah kan palhnak pawl cu Pathian ih zaangfahnak thawn kan dam ter thei tiah fiang zet in a rak sim.“Pathian thei dingih palhnak le kan sungih a um mi tuahmawhnak pawl ruangah Pathian tel lo in, a zaangfahnak tel lo in, kan sualnak ngaithiam a theih lo,” tiah a rak sim bet.

          “Pathian ih zaangfah lainatnak cu kan thlengawknak ih hrampi a si ih kan mah te lawngin kan hlawhtling thei lo nan kan tuah tlang ahcun a cang thei,” tiah a rak sim. Pope in pehtlaih awknak le Biaknak thawnnak le pawlkom pawl hmunkhat si dingah, tlaitluannak le hmuhnak pawl thleng dingin Christian zaten a rak sawm.

          “Leitlunhuap ih um zumtu zaten Thiang Thlarau ah khat le khat pumkhat sinak ah St. John Chrysostom ih a rak ngan vekin “Rome ih umtu pawl in India ih um tu pawl taksa then kan bang aw ti theih a tul,” tiah a rak sim. Pope in Christian lungrualnak zarh ih caanserh ah Christian pawlkom phunphun ih tel tu pawl hnenah lungawi thu a rak sim.

          Catholic Pawlpi ih thureltlangnak khualtlawnnak langsar tertu Christian tampi hnenah a lungawi thu, Christian zate thawn pehpar in a cang thei ding tiih a saduhthah vekin a rak langter. Pope Francis in thalcamnak, tuahnak le tongkam thawn tuah mi ah Bawi Jesuih a duh mi lungawinak famkim ngah dingin Christian zate hnenah hnatuan tlang dingin tha a rak pek.“Kan zaten, lungrualnak lamtluan ah Bawipa in kan hlan ih a rak ret cia mi khualtlawnnak lamzin zawh cio uhsi,” tiah Pope in a rak sim.

          Hi thuthang cu RVA thuthang ih kan ngah mi a si.

https://bit.ly/3JjtfuQ