Pope in nunphung tharthawhnak hrangah Jubilee kum cu tikcu caan sunglawi ah hmu.

Pope in nunphung tharthawhnak hrangah Jubilee kum cu tikcu caan sunglawi ah hmu.

          Pope Francis in Rome ih um daily newspaper, IL Messaggero hnenih cibai buuknak ah an dinnak kum 145 kim hngilhlonak ah ca a rak kuat. Cu mi sungah, Rome khuapi ihsin leitlunhuap ih thleng mi caanserh, Jubilee kum, 2025 a ruahsan. Pope Francis in, “Jubilee kum ah Christian capi cu leilungpi ah thlah in ruahsannak thawn kaih in nunphung dinnak hrangah forhfialnak thar pawl a ngah ter sal ding,” tiah a rak ngan.

          Rome daily ih thatnak hrang duhsaknak hlan nak ca pakhat ah an din thok ihsin kum 145 kim mi IL Messaggero hngilhlonak ah Pope in a ralai ding mi “Rome khuapi naihniamnak a ruat ko nan Europe le leitlun killi a thleng ding mi” 2025, Jubilee kum ih thupit zia a sunsak.

          Jubilee cu zumtu pawl hrangah a hleice in zaangfah lainatnak kum a si ih Pope in Rome khuapi ih ra mi khawmzawh tu pawl hnenah ruahsannak, hnemnak le tharthawhnak a pek thei ding tiah a rak sim. Pope in Jubilee ih thupit zia le man neih zia cu Biaknak lam lawng a si lo. Ngaingai ahcun, “diklonak le tuahmawhnak a phunphun ruangih cang mi nunphung le nunphung ih man hlat zia pawl an si,” tiah a rak sim.

          Rome thuthangca hrangah hleice tak ih ruah mi pakhat ah a mai capi cem ter in Pope Francis in Journalism le thuthang terek pawl ai-awh ih a tuah mi a rak langsar ter. A hleice in cin le daan lam khaisan duh mi tuanvo, thuthang sual mi pawl thleidang thiam dingah a har mi nunphung le cin le daan san ah mah le mah hmuh awk a theih tiah a rak sawhkhih.

          Hi thuthang cu Vatican thuthang ih kan ngah mi a si.